मुंबई: शहरातील सांताक्रुझ पूर्व येथील कलिना परिसरातून धक्कादायक घटना समोर आली आहे. प्रियकराने लग्नास नकार दिल्याच्या रागातून एका महिलेने आपल्या प्रियकराचे धारदार चाकूने लिंग कापल्याची घटना समोर आली आहे. या हल्ल्यात 44 वर्षीय पुरुष गंभीर जखमी झाला असून त्याच्यावर सायन रुग्णालयात उपचार सुरू आहेत. (Mumbai Crime)
जखमी व्यक्तीचे नाव जोगिंदर लखन महतो (वय 44) आहे. तो जांभळीपाडा परिसरात राहायला आहे. तर कंचनदेवी राकेश महतो (वय 25) असे आरोपी महिलेचे नाव आहे. खासगी वाहन चालकाचे तो काम करत आहे. मागील 15 हून अधिक वर्षापासून तो या भागात रहायला आहे.
या प्रकरणी वाकोला पोलिसांनी आरोपी महिलेविरोधात गंभीर दुखापत केल्याप्रकरणी व धमकी दिल्याप्रकरणी गुन्हा दाखल केला आहे. जखमी व्यक्तीचे नाव गेल्या 18 वर्षांपासून ते कुटुंबासह या भागात वास्तव्यास आहेत.
पोलिसांनी दिलेल्या माहितीनुसार, जखमी जोगिंदर याचे त्यांच्या बहिणीच्या नणंदेसोबत, कंचनदेवी राकेश महतो (वय 25) यांच्यात गेल्या 6 ते 7 वर्षांपासून प्रेमसंबंध होते. कंचन महतो ही जोगिंदरवर त्याच्या पत्नीला सोडून तिच्यासोबत लग्न कर म्हणून दबाव टाकत होती. यामुळे दोघांमध्ये वारंवार वाद होत होते.
त्यानंतर जोगिंदर हे मुंबई सोडून परराज्यात गेले. मात्र तरीही कांचन त्यांना मुंबईला परत येऊन लग्न करण्याची धमकी देत होती. 19 डिसेंबर रोजी जोगिंदर मुंबईत परतले होते आणि त्यांनी संबंधित महिलेपासून दूर राहण्याचा निर्णय घेतला होता. 31 डिसेंबर रोजी रात्री सुमारे दीड वाजण्याच्या सुमारास नववर्षाच्या निमित्ताने मिठाई देण्याच्या बहाण्याने कंचनदेवीने जोगिंदरला घरी बोलावले. घरातील मुले झोपल्यानंतर अचानक हल्ला केला. या हल्ल्यात जोगिंदर गंभीर जखमी झाले.
जखमी अवस्थेत तो कसाबसा घरी पोहोचला आणि कुटुंबीय व शेजाऱ्यांना घटनेची माहिती दिली. त्यानंतर त्यांना प्रथम देसाई रुग्णालयात, पुढे सायन रुग्णालयात हलवण्यात आले. माहिती मिळताच वाकोला पोलिसांनी घटनास्थळी भेट देऊन पंचनामा केला.
या प्रकरणी आरोपी महिलेविरुद्ध गंभीर दुखापत व धमकी दिल्याप्रकरणी गुन्हा दाखल करण्यात आला असून पुढील तपास सुरू आहे.
