Mumbai Crime News : मुंबईत संपत्तीच्या वादातून पतीने पत्नीची हत्या केल्याची धक्कादायक घटना उघडकीस आली आहे. रागाच्या भरात पतीने त्याच्या पत्नीवर आणि भावावर फ्लॉवर पॉट आणि बॅटने हल्ला केला आणि या जीवघेणा हल्ल्यात दोघेही गंभीर जखमी झाले. या घटनेनंतर दोघांना तात्काळ कांदिवली पश्चिम येथील शताब्दी रुग्णालयात दाखल करण्यात आलं होतं.
मात्र रुग्णालयात उपचार करताना चित्रा हीचा दुर्दैवी मृत्यू झाला तर या घटनेतून डेमियन याचा जीव वाचला आहे. दोघांवर हल्ला केल्यानंतर आरोपी ड्रेसन घटनास्थळावरून फरार झाला आहे. या प्रकरणी आरोपीवर गुन्हा दाखल करण्यात आला आहे. या घटनेनंतर शहरात मोठी खळबळ उडाली आहे.
मिळालेल्या अधिक माहितीनुसार, ड्रेसन डिसा असं या घटनेतील आरोपीचे नाव आहे. निवाशी फ्लॉट विकण्यावरून आरोपीची पत्नी चित्रा डिसा आणि भाऊ डेमियन यांच्यात वाद झाला होता. रागाच्या भरात ड्रेसनने दोघांवर फ्लॉवर पॉटने आणि बॅटने हल्ला केला. या जीवघेण्या हल्ल्यात दोघेही गंभीर जखमी झाले. दोघांवर हल्ला केल्यानंतर आरोपी ड्रेसन घटनास्थळावरून फरार झाला. या घटनेनंतर डॅमियनच्या पत्नीने आरोपी ड्रेसन विरुध्दात बांगूर नगर पोलिस ठाण्यात तक्रार दाखल केली. पोलिस ठाण्यात ड्रेसन विरोधात खून आणि खुनाच्या प्रयत्नाचा गुन्हा नोंदवण्यात आला आहे.
