Sad News : लुधियाना : जुनून आणि बुनियाद फेम दिग्गज अभिनेते मंगल ढिल्लन यांचे रविवारी कॅन्सरने निधन झाल्याची माहिती समोर आल्याने बॉलिवूडला आणखी एक मोठा धक्का बसला आहे. ढिल्लन काही दिवसांपासून लुधियानाच्या रुग्णालयात कर्करोगावर उपचार घेत होते. मात्र त्यांची प्रकृती चिंताजनक झाली होती. (Another big blow to Bollywood! Famous actor died of cancer)
लुधियानातील रुग्णालयात घेतला अखेरचा श्वास
उपचारादरम्यान त्यांनी रविवारी अखेरचा श्वास घेतला. अभिनेता यशपाल शर्माने सोशल मीडियावर त्यांच्या मृत्यूच्या वृत्ताला दुजोरा दिला आहे. त्यांच्या निधनाची माहिती त्यांच्या कुटुंबीयांनी सोशल मीडियावर चाहत्यांना दिली.
अभिनेता यशपाल शर्मा यांनी फेसबुकवर ही बातमी शेअर केली की, “मंगल ढिल्लन जी. RIP.” मंगल हे पंजाबी चित्रपटसृष्टीतील एक प्रसिद्ध नाव होतं. याशिवाय त्यांनी अनेक बॉलिवूड चित्रपट आणि टीव्ही मालिकांमध्ये आपल्या अभिनयाने लोकांची मने जिंकली.
1988 मध्ये आलेल्या ‘खून भरी मांग’ या चित्रपटात ते छोट्या भूमिकेत दिसले होते. (Sad News) यानंतर त्यानंतर ते मनोरंजनाच्या दुनियेत सक्रिय राहिले.’दयावान’, ‘दिल तेरा आशिक’, ‘दलाल’, ‘विश्वात्मा’ यांसारख्या चित्रपटांमध्ये ते दिसले होते.याशिवाय त्याने अनेक हिट टीव्ही शोमध्येही काम केले होते. 2017 मध्ये रिलीज झालेल्या ‘तुफान सिंग’ या चित्रपटात ते मोठ्या पडद्यावर शेवटचे दिसले.
मंगल ढिल्लन यांनी देखील दिग्दर्शनात काम केले आहे आणि ते आध्यात्मिक प्रेरक देखील होते. त्यांच्या पश्चात पत्नी चित्रकार रितू ढिल्लन असा परिवार आहे.
