पुणे : गेल्या काही दिवसांपासून राजधानी दिल्ली येथे NEET परीक्षा पेपरफुटीच्या मुद्द्यावरून ‘कॉकरोच जनता पार्टी’ने आंदोलन सुरु केले होते. केंद्रीय शिक्षण मंत्री धर्मेंद्र प्रधान यांनी आपल्या पदाचा राजीनामा द्यावा, या प्रमुख मागणीसाठी 6 जूनपासून अभिजीत दिपके आंदोलनाला बसले आहेत.मात्र, गेल्या 34 दिवसांपासून आंदोलन करत असलेल्या दिपके यांना टायफॉइडची लागण झाली असून, त्यांनी स्वतः सोशल मीडियाद्वारे ही माहिती दिली आहे. यामुळे समर्थकांमधील चिंता वाढली आहे.
समोर आलेल्या माहितीनुसार,अभिजित दिपके यांच्या ढासळत्या प्रकृतीमुळे त्यांच्या कुटुंबीयांमध्ये चिंतेचे वातावरण आहे.त्याच्या जीवाला दिल्लीत धोका असण्याची शक्यता अभिजित यांची बहीण स्नेहा दिपके यांनी व्यक्त करत बीडच्या जिल्हाधिकाऱ्यांच्या माध्यमातून थेट देशाच्या राष्ट्रपतींना निवेदन पाठवले आहे.दुसरीकडे, दिपके यांची तब्येत बिघडली असली आणि सोनम वांगचूक यांचे उपोषण संपले असले, तरी विद्यार्थ्यांच्या न्यायासाठी जंतर-मंतरवरील हे आंदोलन मागे घेतले जाणार नाही, असा ठाम पवित्रा CJP ने घेतला आहे.
या वाढत्या तणावाच्या पार्श्वभूमीवर दिल्ली पोलिसांनी कारवाईचा बडगा उगारला आहे. सध्या जंतर-मंतर परिसरात सुमारे 10000 आंदोलक जमा झाले असून, सुरक्षेसाठी 3000 हून अधिक पोलीस कर्मचारी तैनात करण्यात आले आहेत. आंदोलनादरम्यान झालेल्या हिंसेत 65 आंदोलक आणि तब्बल 130 पोलीस कर्मचारी जखमीझाले.. याप्रकरणी पोलिसांनी आतापर्यंत 15 एफआयआर दाखल केले आहेत.
उपद्रवी आणि संशयित घटकांवर नजर ठेवण्यासाठी पोलीस ‘फेशियल रिकग्निशन सिस्टीम’ कॅमेऱ्यांचा वापर करत आहेत. या तंत्रज्ञानाच्या साहाय्याने गुन्हेगारी पार्श्वभूमी असलेल्या 2000 पेक्षा जास्त संशयितांची ओळख पटवण्यात आल्याची माहिती पोलीस दिली आहे.
