पुणे: पुण्यातील कल्याणीनगर (Pune Porsche Accident) येथील ‘पोर्श हिट अँड रन’ प्रकरणातील नऊ (Pune Porsche Case) आरोपींचे जामीन अर्ज मुंबई उच्च (Porsche Accident) न्यायालयाने मंगळवारी फेटाळले आहेत. त्यामुळे या प्रकरणातील आरोपींना दीड वर्ष उलटूनही जामिनाचा दिलासा मिळालेला नाही. या प्रकरणाच्या गंभीरतेमुळे (Pune Crime) न्यायालयाने कठोर भूमिका घेतल्याचे स्पष्ट झाले आहे. (Vishal Agarwal)
देशभर गाजलं प्रकरण
गेल्या वर्षी 19 मे रोजी पहाटे कल्याणीनगर परिसरात हा भीषण अपघात झाला होता. मद्याच्या नशेत भरधाव कार चालवणाऱ्या अल्पवयीन मुलाने दुचाकीला धडक दिली होती. या अपघातात अनीश अवधिया आणि अश्विनी कोष्ठ या दोन निष्पाप युवकांचा जागीच मृत्यू झाला होता. या घटनेनंतर बालन्याय मंडळाने मुख्य अल्पवयीन आरोपीला केवळ निबंध लेखनासह काही अटींवर जामीन दिल्याने संपूर्ण प्रकरण देशभर चर्चेत आले होते. (Latest Marathi News)
रक्ताचे नमुने बदलले
या कारमध्ये मुख्य अल्पवयीन आरोपीसोबत त्याचा अल्पवयीन मित्रही होता. या दोन्ही मुलांना गुन्ह्यातून वाचवण्यासाठी त्यांच्या पालकांनी पुण्यातील ससून रुग्णालयातील काही डॉक्टर आणि मध्यस्थांच्या मदतीने रक्ताचे नमुने बदलल्याचा आरोप आहे. त्यामुळे या प्रकरणाला वेगळे वळण मिळाले आणि कटाचा गंभीर आरोप पुढे आला. (Breaking News)
न्यायालयासमोर युक्तिवाद
या जामीन अर्जांवरील सुनावणीदरम्यान विशेष सरकारी वकील शिशिर हिरे यांनी न्यायालयासमोर जोरदार युक्तिवाद केला. आरोपींना जामीन दिल्यास ते साक्षीदारांवर दबाव टाकू शकतात, तसेच पुराव्यांमध्ये छेडछाड होण्याची शक्यता असल्याचे त्यांनी सांगितले. न्यायमूर्ती श्याम चांडक यांनीही गुन्ह्याचे गांभीर्य आणि साक्षीदारांवर प्रभाव टाकण्याची शक्यता लक्षात घेत आरोपींचे जामीन अर्ज फेटाळले.
वडिलांसह सर्वाना न्यायालयीन कोठडी
या प्रकरणात मुख्य आरोपी मुलाचे वडील विशाल अगरवाल, दुसऱ्या आरोपी मुलाचे वडील अरुणकुमार सिंग, आशिष मित्तल, आदित्य सूद, अश्पाक मकंदर, डॉ. अजय टावरे, श्रीहरी हळनोर आणि रुग्णालयातील कर्मचारी अजित घाटकांबळे हे सध्या न्यायालयीन कोठडीत आहेत. डॉ. टावरे हे फॉरेन्सिक मेडिसीन विभागाचे प्रमुख, तर हळनोर हे मुख्य वैद्यकीय अधिकारी होते. आरोपींच्या रक्तनमुने बदलण्यासाठी संगनमताने कट रचल्याचा आरोप या सर्वांवर आहे.
