हिवाळा आला की हृदयविकाराचा धोका वाढतो – का?
Heart attack : हिवाळा म्हणजे धुके, थंड वारे आणि आरोग्याच्या दृष्टीने बघितलं तर हा काळ हृदयरोग्यांसाठी जरा धोक्याचा ठरू शकतो. डॉक्टर सांगतात की हिवाळ्यात, विशेषत: सकाळच्या थंडीत, हृदयविकाराचा झटका येण्याचं प्रमाण 20–30% वाढतं. मग नक्की हे होतं तरी का? आणि काळजी कशी घ्यावी? जाणून घेऊयात.. (Heart attack)
हिवाळ्यात हृदयविकार वाढण्याची कारणं
- रक्तवाहिन्या आकुंचन पावतात- थंडी वाढली की शरीरातील रक्तवाहिन्या आकुंचतात. त्यामुळे रक्तदाब वाढतो आणि हृदयावर ताण येतो.
- जास्त रक्तदाब- हिवाळ्यात शरीराला उबदार ठेवण्यासाठी हृदयाला जास्त मेहनत करावी लागते. त्यामुळे BP वाढण्याकडे कल होतो.
- हवेत प्रदूषण- हिवाळ्यात प्रदूषणाची पातळी वाढते. हे फुफ्फुसांबरोबरच हृदयासाठीही धोकादायक ठरतं.
- कमी व्यायाम-थंडीमुळे लोक घराबाहेर पडायला टाळतात. हालचाल कमी झाली की हृदयावर परिणाम होतो.
- जास्त खाणे-हिवाळ्यात गरमागरम, तळलेलं, गोड पदार्थ जास्त खातो. यामुळे कोलेस्टेरॉल वाढण्याची शक्यता जास्त.
हिवाळ्यात हृदयाची काळजी कशी घ्यावी?
- शरीर उबदार ठेवा-डोकं, कान, हात-पाय व्यवस्थित झाका. थंडी थेट शरीरात जाऊ देऊ नका.
- नियमित व्यायाम-दररोज किमान 30 मिनिटं घरातच का असेना – योग, प्राणायाम, स्ट्रेचिंग करा.
- आहार हलका आणि पौष्टिक ठेवा-हिरव्या भाज्या, सूप, आले, लसूण, हळद, हंगामी फळं खा. तळलेलं आणि जास्त मीठ टाळा.
- सूर्यप्रकाश घ्या-15–20 मिनिटं दुपारी उन्हात बसा व्हिटॅमिन D खूप महत्त्वाचं आहे.
- औषधे विसरू नका-हृदयरोग्यांनी डॉक्टरांनी सांगितलेल्या औषधांचा नियमित वापर आवश्यक.
- ताण कमी करा-पुरेशी झोप, ध्यान आणि मनाला आवडणारी कामं ताण कमी ठेवणं महत्वाचं.
- लक्षणे दिसली तर तात्काळ डॉक्टरांकडे जा-छातीत दुखणं, श्वास घ्यायला त्रास, चक्कर, थकवा याकडे दुर्लक्ष करू नका.
- धूम्रपान-मद्यपान टाळा
- पाणी प्या-थंडीमध्ये तहान लागत नाही म्हणून पाणी कमी पितो पण शरीर हायड्रेट राहणे खूप गरजेचे आहे.
हिवाळा हृदयासाठी धोकादायक का?
हिवाळ्यात बाहेर तापमान कमी झालं की:
रक्तवाहिन्या आकुंचतात -BP वाढतो
रक्त जाड होतं – हृदयाला जास्त जोर लावावा लागतो
व्हिटॅमिन D कमी पडतं -हृदयावर प्रतिकूल परिणाम
यामुळे हृदयविकाराचा धोका अनेकपट वाढतो.
