गणेशोत्सवाच्या पार्श्वभूमीवर उद्या सोमवारी पाचगणीत बैठक; मंडळाच्या सर्व पदाधिकाऱ्यांनी उपस्थित राहण्याचे सहाय्यक पोलीस निरीक्षक सतीश पवार यांचे आवाहन…!

लहू चव्हाण
पाचगणी : पाचगणी व परिसरातील पोलीस ठाणे हद्दीतील गणेश मंडळ पदाधिकाऱ्यांची बैठक उद्या सोमवारी (ता. २९ ऑगस्ट) आयोजित केली आहे. या बैठकीला सर्वांनी उपस्थित राहावे. असे आवाहन पाचगणीचे सहाय्यक पोलीस निरीक्षक सतीश पवार यांनी केले.

पांचगणी पोलीस स्टेशन हद्दीतील पांचगणी शहर व ग्रामीण भागातील सर्व सार्वजनिक गणेशोत्सव मंडळ अध्यक्ष,उपाध्यक्ष, सदस्य यांची दि.२९ ऑगस्ट रोजी नगरपालिका टाऊन हॉल येथे सकाळी १०.३० वाजता बैठक आयोजित केली आहे. या बैठकीला महाबळेश्वरच्या तहसीलदार सुषमा चौधरी-पाटील, महाबळेश्वर, वाई उपविभागीय पोलीस अधिकारी शितल जानवे-खराडे, सहाय्यक पोलीस निरीक्षक सतीश पवार, मुख्याधिकारी गिरीश दापकेकर, आरोग्य अधिकारी डॉ अजित कदम आदिंसह विविध विभागांचे अधिकारी उपस्थित राहणार आहेत.

याविषयी माहिती देताना सतिश पवार म्हणाले, आगामी गणेश उत्सव काळात कायदा व सुव्यवस्था अबाधित राखण्यासह शांततामय वातावरणात उत्सव साजरा करण्यासाठी या बैठकीचे आयोजन करण्यात आले आहे. तरी सर्व गणेशोत्सव मंडळ अध्यक्ष,उपाध्यक्ष सदस्य व प्रतिष्ठित नागरिक यांनी बैठकीला वेळेत उपस्थित रहावे. असे आवाहन पवार यांनी केले केले.