पुणे : सरकारी नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, बृहन्मुंबई येथे होमगार्ड या पदासाठी रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.
बृहन्मुंबई येथे होमगार्ड या पदासाठी भरती प्रक्रिया सुरु होत आहे. यासाठी दहावी पास असणे गरजेचे आहे. यामध्ये निवड झालेल्या उमेदवाराला बृहन्मुंबई येथे जाऊन नोकरी करावी लागणार आहे. या प्रक्रियेंतर्गत 2771 रिक्त पदे भरली जाणार आहेत. संबंधित उमेदवाराची निवड ही शारीरिक पात्रता तपासून केली जाणार आहे.
या भरती प्रक्रियेंतर्गत ऑनलाईन पद्धतीने अर्ज करता येणार आहे. या भरती प्रक्रियेबाबत अधिक माहितीसाठी https://maharashtracdhg.gov.in/ अधिकृत वेबसाईटवरून माहिती घेता येणार आहे.
अशी असेल भरती प्रक्रिया…
– पदाचे नाव : होमगार्ड.
– शैक्षणिक पात्रता : दहावी उत्तीर्ण.
– शारीरिक पात्रता : उंची: पुरुष- १६२ से. मी., महिला- १५० से. मी., छाती: 76 CM आणि 5 CM अधिक फुगवून.
– वयोमर्यादा : २० वर्षे पूर्ण ते ५० वर्षांच्या आत.
– अर्ज करण्याची पद्धत : ऑनलाईन.
– नोंदणीसाठी शेवटची तारीख: 10 जानेवारी 2025.
