पुणे : रेल्वे विभागात नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील रेल्वेत नोकरीच्या शोधात आहात? तर तुमच्यासाठी ही महत्त्वाची बातमी असणार आहे. कारण, मध्य रेल्वे, सोलापूर येथे रिक्त पदांवर भरती केली जात आहे.
मध्य रेल्वे, सोलापूर येथे वरिष्ठ लिपिक, कनिष्ठ लिपिक आणि शिपाई यांसह इतर अनेक पदांसाठी भरती प्रक्रिया सुरु होत आहे. यामध्ये निवड झालेल्या उमेदवाराला सोलापूर येथे जाऊन नोकरी करावी लागणार आहे. या प्रक्रियेंतर्गत एकूण 622 रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे.
अशी असेल भरती प्रक्रिया…
– पदाचे नाव : वरिष्ठ लिपिक, कनिष्ठ लिपिक, हेल्पर आणि शिपाई
– एकूण रिक्त पदे : 622 पदे.
– नोकरीचे ठिकाण : सोलापूर.
– अर्ज करण्याची पद्धत : ऑफलाईन.
– अर्ज करण्याची शेवटची तारीख : 29 फेब्रुवारी 2024.
– अर्ज पाठवण्याचा पत्ता : सीडब्ल्यूएम परळ कार्यशाळा, मध्य रेल्वे.
– या भरती प्रक्रियेबाबत अधिक माहितीसाठी अधिकृत वेबसाईट https://cr.indianrailways.gov.in/ वरून माहिती घेता येणार आहे.
