पुणे: बाजारात अनेक पौष्टिक कंदमुळे (Sweet Potato Benefits) दिसून येत असून त्यापैकीच एक म्हणजे रताळे हे आहे. रताळे आरोग्यासाठी अत्यंत गुणकारी असतात. बटाट्यासारखे दिसणारे हे कंदमूळ पोषक तत्वांनी भरलेले असतात. रताळ्यामध्ये जीवनसत्त्वे ए, सी, बी6, पोटॅशियम, मॅंगनीजआणि फायबर मोठ्या प्रमाणात आढळते. त्यामुळे, थंडीच्या दिवसांत रताळे खाणे आरोग्यासाठी कसे फायदेशीर ठरते, ते पाहुया.
रताळे खाण्याचे प्रमुख आरोग्य फायदे
- रताळ्यामध्ये बीटा-कॅरोटीनहा घटक भरपूर असतो, जो शरीरात जीवनसत्त्व ‘ए’ मध्ये रूपांतरित होतो. हे जीवनसत्त्व डोळ्यांचे आरोग्य चांगले राखण्यासाठी आणि दृष्टी सुधारण्यासाठी अत्यंत महत्त्वाचे आहे.
- उच्च प्रमाणात जीवनसत्त्व ‘सी’ मुळे शरीराची रोगप्रतिकारशक्ती वाढते. थंडीत होणारे सर्दी, खोकला यांसारख्या सामान्य संसर्गांपासून बचाव करण्यासाठी रताळे खूप उपयुक्त आहे.
- बटाट्याच्या तुलनेत रताळ्याचा ग्लायसेमिक इंडेक्सकमी असतो. तसेच, फायबरमुळे रक्तातील साखर हळूहळू शोषली जाते. त्यामुळे मर्यादित प्रमाणात आणि डॉक्टरांच्या सल्ल्यानुसार रताळे खाणे मधुमेहाच्या रुग्णांसाठी फायदेशीर ठरू शकते.
- रताळ्यामध्ये पोटॅशियम मोठ्या प्रमाणात असते. पोटॅशियम हा शरीरातील रक्तदाब आणि पाण्याचे संतुलन नियंत्रित ठेवण्यासाठी महत्त्वाचा असतो.
- जीवनसत्त्वे ‘ए’ आणि ‘सी’ तसेच अँटीऑक्सिडंट्समुळे त्वचेला चमक मिळते आणि त्वचेवरील वृद्धत्वाची चिन्हे कमी होण्यास मदत होते.
थंडीच्या दिवसांत शरीराला ऊर्जा आणि पोषण देण्यासाठी रताळ्याचा नियमित आहारात समावेश केल्यास आरोग्य उत्तम राखण्यास नक्कीच मदत होईल.
