केस पांढरे होण्याचं मुख्य कारण ‘पित्त’, हे उपाय केल्यास लगेच जाणवेल फरक; जाणून घ्या अधिक माहिती

पुणे: तरुण वयातच केस पांढरे (Premature Greying) होणे ही एक सामान्य समस्या बनली आहे. तज्ज्ञांच्या मते, चुकीच्या आहारामुळे आणि ताणतणावामुळे शरीरात बदल घडतात. आयुर्वेदामध्ये, केस पांढरे होण्याचे मुख्य कारण शरीरात पित्ताचे प्रमाण वाढणे हे मानले जाते.

पित्त वाढल्यास केसांवर काय परिणाम होतो? जाणून घ्या

पित्त म्हणजे शरीरातील उष्णता होय. जेव्हा शरीरातील पित्ताचा समतोल बिघडतो, तेव्हा अतिरिक्त उष्णता केसांच्या मूळांना नुकसान पोहोचवते. ही उष्णता मेलेनिन नावाच्या रंगद्रव्याला हळूहळू नष्ट करते, जे केसांना नैसर्गिक काळा रंग देतात. आणि याच कारणामुळे केस लवकर पांढरे किंवा राखाडी दिसू लागतात.

शरीरातील पित्त संतुलित कसे ठेवाल? (5 सोपे उपाय)

केसांचा नैसर्गिक रंग टिकवून ठेवण्यासाठी आणि शरीरातील वाढलेले पित्त शांत करण्यासाठी खालील साधे उपाय करणे आवश्यक आहे:

1. आहारात थंड पदार्थांचा समावेश वाढवा

• गोड आणि थंड गुणांचे पदार्थ खा. जसे की, ताक, नारळाचे पाणी, काकडी, गायीचे तूप
• दुपार ताक पिणे पित्त शांत करण्यासाठी फायदेशीर ठरते.

2. तिखट, खारट आणि आंबट पदार्थ टाळा

चटण्या, लोणची, जास्त मसालेदार जेवण आणि खूप आंबट असलेले पदार्थ (उदा. फर्मेंटेड फूड्स) बाहेरचे तेलकट आणि प्रक्रिया केलेले अन्न खाणे टाळा. हे पदार्थ पित्त वाढवण्यास मदत करतात. .

3. आवळा सेवन (Amla)

आवळा  हा पित्त शांत करण्यासाठी आणि केसांसाठी उत्तम मानला जातो. दररोज सकाळी रिकाम्या पोटी आवळा रस किंवा आवळा पावडर मधातून किंवा पाण्यातून घ्यावी.

4. शांत झोप आणि थंड वातावरण

रात्री उशिरापर्यंत जागरण करणे टाळावे. योग्य वेळी शांत आणि पुरेशी झोप घेतल्यास शरीरातील उष्णता नियंत्रणात राहण्यास मदत होते. जास्त वेळ उन्हात फिरणे किंवा उष्ण वातावरणात काम करणे टाळावे.

5. डोक्याला तेल मालिश

आठवड्यातून 2 ते 3 वेळा डोक्याला तेल लावावे (उदा. खोबरेल तेल, ब्राह्मी तेल किंवा भृंगराज तेल) लावावे. गरम गुणधर्माचे तेल नको. थंड गुणधर्म असलेल्या तेलाने हलक्या हाताने मालिश केल्यास डोक्यातील उष्णता कमी होते आणि केसांच्या मूळांना आराम मिळतो.