मुंबई : बॉलिवूडचा प्रसिद्ध अभिनेता सुशांत सिंग राजपूत याने 2020 मध्ये त्याच्या राहत्या घरी आत्महत्या केली होती. तेव्हापासून सुशांत सिंगच्या मुंबईतील फ्लॅट रिकामा होता. तो फ्लॅट घेण्यास कोणीही तयार नव्हते. पण, दरम्यानच्या काळात सुशांत सिंगचा हा फ्लॅट विकला गेल्याची माहिती समोर येत आहे.
जवळपास तीन वर्षांपासून रिकामा असलेला हा फ्लॅट ‘द केरला स्टोरी’ अभिनेत्री अदा शर्माने विकत घेतला असून, ती लवकरच येथे शिफ्ट होणार असल्याचे सांगितले जात आहे. अदा शर्माच्या टीमचा दावा आहे की, अदा शर्माने दिवंगत सुशांत सिंग राजपूतचे बांद्राच्या मॉन्ट ब्लँक इमारतीत घर घेतले आहे. जेव्हा अदाला विचारण्यात आले की तिने सुशांतचा फ्लॅट घेतला आहे का, तेव्हा तिने स्पष्ट उत्तर दिले नाही, पण असे काही घडलं तर नक्कीच सर्वांना सांगेन, असे तिने सांगितले.
याशिवाय, सुशांत सिंग राजपूतचे बांद्राच्या मॉन्ट ब्लँक इमारतीत घर घेण्याबाबत जेव्हा हे निश्चित होईल तेव्हा सर्वप्रथम मीडियाला याबद्दल माहिती दिली जाईल, असेही तिने म्हटले आहे.
