पुणे : बहूचर्चित सिनेमा आदिपुरुष चा टीझर नुकताच प्रदर्शित झाला असून काहीच मिनिटांत या टीझरला (Teaser) लाखो व्ह्यूज (Views) मिळाले आहेत.
बाहुबली’च्या घवघवीत यशानंतर प्रेक्षकांना प्रभासला पुन्हा तशा मोठ्या आणि भव्य अशा भूमिकेत बघायची इच्छा आहे, मध्यंतरी आलेल्या ‘राधे श्याम’ने प्रेक्षकांची निराशा केली. आता मात्र प्रेक्षक त्याच्या आगामी ‘आदिपुरुष’ या चित्रपटाची आतुरतेने वाट पाहत आहेत.
सिनेमाची रिलिज डेट (Release Date) अजून घोषित केली नसली तरी 2023 मध्ये हा सिनेमा प्रदर्शित होणार असल्याची हिंट (Hint) या टिझर मधून देण्यात आली आहे. या सिनेमात दक्षिणात्य सुपरस्टार (South Superstar) प्रभास प्रभु श्रीरामाच्या तर अभिनेत्री क्रिती सेनोन (Kriti Sanon) सिता मॉ आणि सैफ अली खान (Saif Ali Khan) रावणाच्या भुमिकेत दिसणार आहे.
काही दिवसांपूर्वी या चित्रपटाचा टीझर अयोध्यामध्ये प्रदर्शित होणार असल्याची चर्चा होत होती. दिग्दर्शक ओम राऊत यांच्या ‘तान्हाजी’ नंतर हा दूसरा मोठा बॉलिवूड चित्रपट आहे. या चित्रपटाकडून प्रेक्षकांना खूप अपेक्षा आहेत. या चित्रपटात प्रभासबरोबरच क्रिती सनोन, सैफ अली खान, वत्सल शेठ हे कलाकार मुख्य भूमिकेत दिसणार आहेत. पुढच्या वर्षी १२ जानेवारीला हा चित्रपट जगभरात प्रदर्शित होणार आहे.
