पुणे प्राईम न्यूज डेस्क: तुम्ही कार किंवा बाईक वापरत असाल तर आपल्याला अनेकदा पेट्रोल पंपावर जावे लागते. परंतु, हे वाहनात इंधन भरण्याचे ठिकाण आहे, त्यामुळे तुम्ही सावध न राहिल्यास, तुमच्या डोळ्यासमोर तुमची फसवणूक होऊ शकते. हा सर्व डोळ्यांचा खेळ आहे, त्यामुळे तुम्ही या फसवणुकीचे बळी होण्याचे टाळू शकता. चला , तर मग जाणून घेऊ या, जम्प ते डेंसिटी मीटरमध्ये छेडछाड करण्यापर्यंतचा सगळा खेळ पेट्रोल पंपावर कसा चालतो?
पेट्रोल भरताना मीटरमध्ये ‘शून्य’ पाहिल्यानंतर समाधान मानू नका. तुम्ही पेट्रोल किंवा डिझेल भरण्यासाठी तुमच्या वाहनाने पेट्रोल पंपावर पोहोचाल, तेव्हा इंधन भरण्यापूर्वी कर्मचारी तुम्हाला मीटरमध्ये शून्य तपासण्यास सांगतो. हे शून्य पाहून तुम्ही वाहनात संपूर्ण पेट्रोल किंवा डिझेल भरले आहे, याचे समाधान मानता. परंतु, प्रत्यक्षात या मीटरमध्ये तुमचीही फसवणूक झालेली असते. या मीटरमध्ये एक डिस्प्ले देखील असतो, जिथे त्यावर लक्ष ठेवणे तुमच्यासाठी खूप महत्वाचे आहे.
डेंसिटी मीटरवर लक्ष ठेवणे गरजेचे
ग्राहकांची फसवणूक करण्याचा हा खेळ तुमच्या वाहनात टाकलेल्या पेट्रोल-डिझेलच्या शुद्धतेशी संबंधित आहे. ज्यामध्ये फेरफार करून तुमची फसवणूक होऊ शकते. पेट्रोल पंप मशिनमध्ये, विविध विभागांमध्ये किती पेट्रोल भरले आणि किती प्रमाणात भरले असा सर्व डेटा आपण पाहू शकता. या मशीनवरील स्क्रीनवर डेंसिटी देखील दिसते, जी थेट गुणवत्ता म्हणजेच इंधनाची शुद्धता दर्शवते. यावर लक्ष ठेवून तुम्ही तुमची कमाई पेट्रोल आणि डिझेलमध्ये वाया जाण्यापासून वाचवू शकता.
अशाप्रकारे तुमची फसवणूक होऊ शकते
पेट्रोल पंपावर डेंसिटीसाठी ठरवलेल्या मानकांशी छेडछाड करून फसवणूक केली जाते. डेंसिटी म्हणजेच काय तर पदार्थाची घनता होय. तुम्ही पदार्थाच्या जाडीला त्याची घनता म्हणू शकता. विशिष्ट प्रमाणात घटकांचे मिश्रण करून उत्पादन तयार केले जाते, तेव्हा त्या पदार्थाचा दर्जा त्या आधारे ठरवला जातो. त्यात थोडीफार तफावत आढळल्यास त्यात भेसळ झाल्याचे समजते. पेट्रोलची घनता 730 ते 800 किलोग्रॅम प्रति घनमीटर इतकी निश्चित करण्यात आली आहे. जर आपण डिझेलबद्दल बोलायचे झाले, तर त्याची घनता 830 ते 900 किलोग्रॅम प्रति घनमीटरवर निश्चित केली जाते. याबाबत ती जास्त आहे की कमी, यावर आपण लक्ष ठेवले पाहिजे.
परंतु, याठिकाणी होत असलेल्या खऱ्या फसवणुकीकडे कोणीही लक्ष देत नाही, त्यामुळे थेट ग्राहकांच्या खिशाला कात्री लागते. डेंसिटी मीटर व्यतिरिक्त, तुम्ही ‘जम्प ट्रिक’चा देखील बळी ठरू शकता. यामध्येही मीटर दाखवून फसवणूक केली जाते. जेव्हा तुम्हाला मीटरमध्ये शून्य दिसते तेव्हा तुम्ही पाहिले असेल की 0 पासून सुरू होणारे मीटर अचानक 5-6 रुपयांपर्यंत पोहोचते, मधले 2-3-4 दिसत नाहीत. इथेच तुमच्याशी खेळ खेळला जातो, कारण शून्यापासून सुरुवात केल्यानंतर मीटर टप्प्याटप्प्याने रु. 1-2-3 नुसार वाढले पाहिजे.
येथेही लक्ष ठेवणे गरजेचे आहे. या दोन पद्धतींशिवाय पेट्रोल पंपावरील फसवणूक टाळण्यासाठी आणखी एका ठिकाणी लक्ष ठेवणे गरजेचे आहे. तुमच्या वाहनात पेट्रोल किंवा डिझेल टाकणाऱ्या नोजलबद्दल आम्ही बोलत आहोत, कारण इथेही तुमची फसवणूक होऊ शकते. पेट्रोल पंपावरील नोजल ऑटो कट करण्याऐवजी मॅन्युअल असल्यास, कर्मचारी मध्यभागी ते थांबवू शकतो आणि दबाव कमी करू शकतो. याचा पेट्रोल किंवा डिझेलच्या प्रमाणावर परिणाम होतो. असा प्रकार समोर आल्यास 18002333555 या टोल फ्री क्रमांकावर तक्रार करू शकता. या तक्रारीच्या आधारे तपासणीत अनियमितता आढळून आल्यास पंपाचा परवानाही रद्द केला जाऊ शकतो.
