Crime News (पुणे) : खुन्नस का दिली म्हणत तीन अल्पवयीन मुलांनी एका १९ वर्षीय तरुणाला बियरच्या बाटलीने मारहाण केल्याची धक्कादायक घटना पिंपरी येथे सोमवारी (ता.२४) घडली आहे.(Crime News)
३ अल्पवयीन मुलांवर गुन्हा दाखल.
याप्रकरणी लखन कृष्णात गुरसाळे (वय-१९, रा .काळेवाडी) यांनी पिंपरी पोलीस ठाण्यात फिर्याद दिली आहे.
त्यानुसार ३ अल्पवयीन मुलांवर गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी लखन गुरसाळे हे त्यांच्या मित्रासह दुचाकीवरून जात होते. तेव्हा अल्पवयीन मुलांनी त्यांना हाक मारून थांबवले.(Crime News)
दरम्यान, फिर्यादी व त्यांचा मित्र तिथे थांबले असता तीनही अल्पवयीन मुले तेथे आली.
आणि त्यांनी तू आम्हाला पाहून खुन्नस का देतोस व कारण नसताना मोरवाडी येथे का येतोस, असे म्हणत भांडण करण्यास सुरुवात केली. यावेळी त्यांनी शिवीगाळ दमदाटी करत फिर्यादीला लाथाबुक्क्यांनी व बियरच्या बॉटलने मारहाण करत जखमी केले.
