शेरखान शेख
Ranjangaon News : रांजणगाव गणपती : कारेगाव (ता. शिरुर) येथील महिलेचा पाठलाग करुन, तिचा विनयभंग केला. त्यानंतर देखील महिलेला जाणीवपूर्वक त्रास देत, बदनामी केल्याची घटना नुकतीच उघडकीस आली. याप्रकरणी रांजणगाव एमआयडीसी पोलीस स्टेशन येथे संतोष धोत्रे व राजू शिंदे या दोघांवर महिलेच्या विनयभंगासह ॲट्रॉसिटीचा गुन्हा दाखल करण्यात आला आहे.
शिरुरच्या डीवायएसपींमार्फ़त तपास सुरू
कारेगाव (ता. शिरुर) येथील पिडीत महिला चौकातून जात असताना, संतोष धोत्रे याने कारमधून महिलेचा पाठलाग केला. महिलेला गाडीमध्ये बसण्यास सांगून, तिच्या मनात लज्जा निर्माण होईल असे कृत्य केले. (Ranjangaon News ) त्यांनतर महिला घरी गेली असता, संतोष धोत्रे याच्या घराशेजारी भाड्याने राहणाऱ्या राजू शिंदे याने महिलेच्या घराबाहेरुन महिलेकडे पाहून अश्लील हावभाव केले. त्यानंतर पुन्हा महिलेला भेटून त्रास देणे सुरु ठेवले.
आरोपी राजू या घटनेनंतर पुन्हा महिलेच्या घरी आला. त्यावेळी संतप्त झालेल्या महिलेने मी पोलिसांत तक्रार करेन, असे सांगितले.(Ranjangaon News ) यावर राजू धोत्रो याने, ‘तुम्हाला काय करायचे करा, आम्ही घाबरत नाही,’ असे म्हणून महिलेला जातीवाचक शिवीगाळ, दमदाटी करत जीवे मारण्याची धमकी दिली.
याबाबत पिडीत महिलेने रांजणगाव एमआयडीसी पोलीस स्टेशन येथे फिर्याद दिली. त्यानुसार पोलिसांनी संतोष धोत्रे व राजू शिंदे (दोघे रा. कारेगाव, ता. शिरुर, जि. पुणे) यांच्याविरुद्ध महिलेचा विनयभंग तसेच ॲट्रॉसिटी प्रकरणी गुन्हा दाखल केला आहे. (Ranjangaon News ) पुढील तपास शिरुर उपविभागाचे उपविभागीय पोलीस अधिकारी यशवंत गवारी हे करत आहेत.
अधिक बातम्या वाचण्यासाठी येथे क्लिक करा :
Ranjangaon News : खंडाळे माथा येथे हॉटेलवर दगडफेक करत मागितली खंडणी; एकावर गुन्हा दाखल
