Pune News : जुन्नर : नगर – कल्याण महामार्गावरील माळशेज घाटात एसटी बस आणि ट्रक यांची समोरासमोर जोरदार धडक होऊन झालेल्या अपघातात १५ ते २० प्रवासी गंभीर जखमी झाल्याची घटना घडली आहे. शुक्रवारी रात्री साडेअकरा वाजण्याच्या सुमारास हा अपघात झाला आहे. अपघात एवढा भीषण होता कि यामध्ये ट्रक पलटी झाला तर एस टी बसचे ही मोठे नुकसान झाले आहे.
१५ ते २० प्रवासी जखमी
मिळालेल्या माहितीनुसार, कल्याण – शिरोली नावाची बस ही शिरोली येथे मुक्कामी निघाली होती. जुन्नरच्या दिशेने ही बस येत होती तर ट्रक कल्याणच्या दिशेने जात होता. आयशर ट्रक या दोन्ही गाड्या समोरासमोर आल्या आणि हा अपघात झाला. यामध्ये एसटी बसमधील १५ ते २० प्रवासी जखमी झाले.
जखमी प्रवाशांवर आळे फाटा येथील खाजगी रुग्णालयात उपचार सुरू आहेत. आयशर ट्रक चालक गंभीररित्या जखमी झाला आहे. अचानक झालेल्या अपघाताने प्रवाशांची चांगलीच धांदल उडाली होती.
दरम्यान, मागच्या आठवड्यात पाच शेतजुरांना एका गाडीने उडवले होते. त्यातील तिघांचा जागेवरच मृत्यू झाला होता. या महामार्गावर दररोज छोटे मोठे अपघात होत असून यावर रस्ते प्रशासनाने योग्य त्या उपाययोजना करण्याची मागणी प्रवासी नागरिकांकडून होऊ लागली आहे.
