Pune News : पुणे : कोरेगाव पार्क-मुंढवा रस्त्यावर मध्यरात्री एका महिला वकिलीसोबत धक्कादायक घटना घडल्याने शहरात खळबळ उडाली आहे. घरी सोडण्याचा बहाणा करून एका तरुणाने महिलेवर कारमध्ये अत्याचार केल्याचा आरोप असून, या प्रकरणी कोरेगाव पार्क पोलीस ठाण्यात गुन्हा दाखल करण्यात आला आहे. आरोपी सध्या फरार असून, पोलिसांकडून त्याचा शोध सुरू आहे. Pune News
पोलिसांनी दिलेल्या माहितीनुसार, पीडित महिला रात्री एका पबमध्ये गेली होती. यावेळी आरोपीची तिच्याशी ओळख झाली. काही वेळ संभाषण झाल्यानंतर आरोपीने महिलेला “मी तुम्हाला घरी सोडतो,” असे सांगून विश्वास संपादन केला. त्यानंतर आरोपी महिलेला कारमधून मुंढवा-कोरेगाव पार्क रस्त्याच्या दिशेने घेऊन गेला. Pune News
दरम्यान, रस्त्याच्या कडेला कार थांबवून आरोपीने महिलेवर अत्याचार केल्याचे फिर्यादीत नमूद करण्यात आले आहे. घटना घडल्यानंतर महिलेने तत्काळ पोलिसांकडे धाव घेत तक्रार दाखल केली. Pune News
घटनेची माहिती मिळताच पोलिसांनी घटनास्थळी भेट देत तपास सुरू केला. पीडितेचा जबाब नोंदवण्यात आला असून, तिने दिलेल्या वर्णनाच्या आधारे आरोपीचा शोध घेतला जात आहे. तसेच कोरेगाव पार्क-मुंढवा परिसरातील पब आणि सीसीटीव्ही फुटेजची तपासणीही पोलिसांकडून करण्यात येत आहे. Pune News
