Pune Crime पुणे : स्वारगेट बस स्थानकात एका प्रवाशी महिलेच्या गळ्यातील ६० हजार रुपये किंमतीचे मंगळसुत्र चोरट्यांनी पळवून नेल्याची घटना घडली आहे. या प्रकरणी एका ४२ वर्षीय महिलेने स्वारगेट पोलीस ठाण्यात तक्रार दाखल केली आहे. महिलेच्या तक्रारीवरून अज्ञात चोरट्याच्या विरोधात गुन्हा दाखल केला आहे.

मिळालेल्या माहितीनुसार,

तक्रारदार महिला फलटन येथील राजाळे गावातील आहेत. त्या पुण्यात काही कामानिमीत्त आल्या होत्या. फलटनला परत जाण्यासाठी तक्रारदार महिला स्वारगेट बस स्थानकात बोरिवली ते फलटन या बस जवळ उभ्या होत्या.

दरम्यान बस आल्यानंतर त्या दरवाज्याजवळ थांबल्या यावेळी गर्दी असल्यामुळे चोरट्यांनी या गर्दीचा फायदा घेत महिलेच्या गळ्यातील मंगळसुत्र हिसकावले. पुढील तपास पोलीस करत आहेत.