Pimpri News : पिंपरी-चिंचवड : जुगार खेळताना झालेल्या वादातून एकाने तीन जणांवर चाकूने वार केल्याचा धक्कादायक प्रकार देहूरोड येथून समोर आला आहे. यामध्ये एकाचा मृत्यू झाला आहे. बांधकाम मजुरांमध्ये जुगार खेळताना हा वाद झाला होता त्यातून एका कामगाराने हा हल्ला केला आहे. देहूरोड येथील लक्ष्मीपुरा भागात मंगळवारी दि. 13 मध्यरात्री सव्वा बारा वाजताच्या सुमारास हा प्रकार घडला आहे. (Shocking! Three attacked with knife in dispute over gambling at Dehurod; death of one)
देहूरोड येथील लक्ष्मीपुरा भागातील घटना
सखाराम विश्वनाथ मरकाम (वय 25, रा. विजयपूर, जि. बिलासपुर, छत्तीसगढ) असे मृत्यू झालेल्या कामगाराचे नाव आहे. तर जोधिया विश्वनाथ मरकाम (वय 23, रा. विजयपूर, जि. बिलासपुर, छत्तीसगढ), संजय हरबंसलाल वर्मा (वय 28, रा. परतवाणी, जि. बलोदा बाजार, छत्तीसगढ) अशी जखमींची नावे आहेत.(Pimpri News) शिवप्रसाद धूर्वे (वय 28, रा. छत्तीसगढ) असे हल्ला करणाऱ्या कामगाराचे नाव आहे. याप्रकरणी देहूरोड पोलीस ठाण्यात खुनाचा गुन्हा दाखल करण्याचे काम सुरु आहे.
मिळालेल्या माहितीनुसार, लक्ष्मीपुरा भागात मंगळवारी मध्यरात्री सव्वाबारा वाजताच्या सुमारास चार कामगार जुगार खेळत होते. त्यावेळी जुगार खेळताना त्यांच्यात वाद झाले. (Pimpri News) त्यानंतर चौघांमध्ये बाचाबाची झाली त्यातून शिवप्रसाद याने सखाराम मरकाम तसेच त्याचा लहान भाऊ जोधिया आणि संजय या तिघांवर चाकूने हल्ला केला. या हल्ल्यात सखाराम याचा मृत्यू झाला. तर जोधिया आणि संजय हे गंभीर जखमी झाले आहेत. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Pimpri News : चिखलीत नोकरीचे आमिष दाखवून महिलेवर बलात्कार; दोघांना अटक
Pimpri News : रहाटणी येथे छळाला कंटाळून विवाहितेची आत्महत्या
Pimpri News : खुनाचे सत्र सुरुच मोशीमध्ये दगडाने ठेचून एकाचा खून
