Nagar News : कोतवाली, (नगर) : पुणे, मुंबई नाशिक, औरंगाबाद, नगरसह गुजरात, मध्य प्रदेश या ठिकाणी बँकेतील अधिकारी, कर्मचारी असल्याचे खोटे सांगुन व्यापा-यांना फसवणाऱ्या ५ आरोपींना कोतवाली पोलिसांनी अटक केली.
पाचही आरोपी परप्रांतीय
मोहम्मद अब्दुल कुदस मेहबुब (वय ३४ रा. उर्दु शाळा जवळ ता. लखना जि. हजारी बाग राज्य झारखंड), एतेशाम एमडीनईम आलम (वय ३४ रा. राईचारण घोसलाई, कोलकत्ता), अजीज लतीफ शेख अब्दुल (वय ३४ रा. मोमीनपुर रोड, कोलकत्ता) मुकेश कुमार दुर्योधन नायक वय २६ रा. बोस रोड कोलकत्ता पश्चिम बंगाल) गंगा लक्ष्मी सहा वय ४५, रा सोनारपुर २४ पडगाना, कलकत्ता) अशी अटक करण्यात आलेल्या आरोपींची नावे आहेत.
कोतवाली पोलीस ठाण्याचे वरिष्ठ पोलीस निरीक्षक चंद्रशेखर यादव यांनी दिलेल्या माहितीनुसार, बुधवारी (ता. १४) कोतवाली पोलिसांना मीरा भाईंदर पोलीस आयुक्तालयातील (Nagar News) पोलीस उपनिरीक्षक किरण वंजारी यांच्याकडून माहिती मिळाली की फसवणूक करणारी टोळी ही नगरकडे येत असून आपल्या हद्दीत सुद्धा गुन्हे करू शकते.
त्यानुसार सदर आरोपींचा नगर शहरातील कापड बाजार मोची गल्ली परिसरात तसेच अहमदनगर शहरात विविध ठिकाणी तपास करीत असताना काही इसम हे बँकेतील अधिकारी, कर्मचारी असल्याचे खोटे सांगुन व्यापा-यांना व्यवसायाकरिता कर्ज मंजुर करुन देतो असे म्हणुन त्यांचेकडुन कागदपत्र, बँकेतील चेक घेवुन त्यांना सदर कागदपत्राच्या आधारे फसवेगिरी करत असल्याचे आढळून आले. बनावट कागदपत्रांवर टाटा कॅपिटल फायनान्स कंपनीचे (Nagar News) लोन दस्तऐवज तयार करत असल्याचे लक्षात आले. त्याला चौकशी कामी ताब्यात घेतले असता त्यांची माहिती मिळू शकली नाही. पोलिसांनी तांत्रिक माहितीच्या आधारे सदर आरोपीचे इतर ४ साथीदार अभिषेक लॉज माळीवाडा येथून ताब्यात घेतले.
त्यांचेकडे विविध कंपनीचे बँकेतील ओळखपत्र तसेच त्यांचे फोटो असलेले वेगवेगळया बनावट नावाची आधारकार्ड, मोबाईल फोन, तसेच विविध बँकेचे बनावट आयकार्ड, बँकेचे बनावट शिक्के, काही रिमुएबल पेन, असा एकुन ७५ हजार रुपयांचा मुददेमाल मिळुन आला आहे. (Nagar News) न्यायालयापुढे हजर केले असता न्यायालयाने त्यांना दोन दिवसांची पोलीस कोठडी दिली आहे. सदर गुन्हयाचा पुढील तपास पोलीस उपनिरीक्षक मनोज कचरे हे करत आहेत.
एकाच व्यक्तीची पाच ते सहा बनावट ओळखपत्र..
एकाच व्यक्तीची चार ते पाच बनावट आधार कार्ड, बनावट टाटा फायनान्स चे ओळखपत्र असे साहित्य मिळून आले. तसेच या आरोपींनी अहमदनगर पुणे मुंबई नाशिक औरंगाबाद गुजरात मध्य प्रदेश या ठिकाणी फसवणूक केली असल्याचे उघड होत आहे. त्यांच्याकडे मोठ्या प्रमाणात टाटा फायनान्स कंपनीचे बनावट कर्ज मंजूर करण्याचे फॉर्म, व्यापाऱ्यांचे चेक, टाटा फायनान्सचे शिक्के व इतर कागदपत्रे मिळून आली.
सदरची कामगिरी पोलीस निरीक्षक चंद्रशेखर यादव, पोलीस उपनिरीक्षक मनोज कचरे, मनोज महाजन, पोलीस हवालदार तनवीर शेख, गणेश धोत्रे, योगेश भिंगारदिवे, पोलीस नाईक रियाज इनामदार, योगेश खामकर, सलीम शेख, बाप्पुसाहेब गोरे, अभय कदम, संदिप थोरात, अमोल गाढे, सुजय हिवाळे, कैलास शिरसाठ, सोमनाथ राऊत, सागर मिसाळ, अतुल काजळे यांनी केली. या कारवाई कामी मीरा-भाईंदर पोलीस आयुक्तालयातील येथील सहाय्यक पोलीस निरीक्षक किशोर गायकवाड पोलीस उपनिरीक्षक किरण वंजारी, महाकुलकर, गाडेकर यांचे चांगली मदत झाली.
अधिक बातम्या वाचण्यासाठी येथे क्लिक करा :
Nagar News : कर्जत बाजार समितीमध्ये रोहित पवार यांना मोठा धक्का; सभापती, उपसभापती भाजपचेच!
Nagar News : सोशल मीडियावर आक्षेपार्ह पोस्ट केल्यास होणार कारवाई..
