Loni Kalbhor News लोणी काळभोर : १५ वर्षीय अल्पवयीन मुलाची गळफास घेऊन आत्महत्या केल्याची धक्कादायक घटना कदमवाकवस्ती (ता.हवेली) ग्रामपंचायत हद्दीतील घोरपडे वस्तीत आज शुक्रवारी (ता.४) सायंकाळी सहा वाजण्याच्या सुमारास उघडकीस आली आहे. (Loni Kalbhor News)
अमर दत्तू भजंतरी (वय-१५, रा. अंबिका माता मंदिराजवळ, लेन नं. ८, घोरपडेवस्ती, कदमवाकवस्ती, ता. हवेली) असे आत्महत्या केलेल्या मुलाचे नाव आहे. (Loni Kalbhor News)
मिळालेल्या माहितीनुसार, अमर चे आई वडील नेहमीप्रमाणे सकाळी कामाला गेले होते. संध्याकाळी सहा वाजण्याच्या सुमारास घरी आले असता, अमरने गळफास घेतलेल्या अवस्थेत आढळून आला. अमरला स्थानिक नागरिकांच्या मदतीने खाली काढण्यात आले. व तातडीने लोणी काळभोर येथील एका बड्या रुग्णालयात उपचारासाठी दाखल करण्यात आले. मात्र उपचारापूर्वीच अमरचा मृत्यू झाल्याचे तेथील डॉक्टरांनी घोषित केले. (Loni Kalbhor News)
दरम्यान, या घटनेची माहिती मिळताच, लोणी काळभोर पोलीस ठाण्याचे सहाय्यक पोलीस निरीक्षक जितेंद्र खैरनार व पोलीस अंमलदार अजिंक्य जोजारे तातडीने दाखल झाले. पोलीसांनी अमरचा मृतदेह शवविच्छेदणासाठी पाठविला आहे. मात्र अमरने एवढे मोठे टोकाचे पाऊल का उचलले. त्या दृष्टीकोनातून पोलीस पुढील तपास करीत आहे. (Loni Kalbhor News)
