पुणे : निरा डावा कालव्यावरील अनेक वर्षापासून धोकादायक झालेल्या पुलावरून पडून एका मजुराचा मंगळवारी (ता.२० ) रोजी मृत्यू झाला आहे. ही घटना इंदापूर तालुक्यातील शेळगाव, तेलओढा येथे घडली.
बबन भीमा चांदणे (वय ५०) असे कालव्यात पडून मृत्यू झालेल्या मजुराचे नाव आहे.
या धोकादायक पुलासंदर्भात अनेक वृत्तपत्रांमधून बातम्या प्रसिद्ध झाल्या होत्या. परंतु या पुलाची दुरुस्ती चार ते पाच वर्षात झालेली नाही. दुरूस्ती संदर्भात जलसंपदा विभाग व सार्वजनिक बांधकाम विभागाचे अधिकाऱ्यांनी हा पुल आमच्याकडे नाही म्हणून दुर्लक्ष केले आहे आणि अखेर धोकादायक पुलावरून पडून एक मजुराचा मृत्यू झाला आहे.
दरम्यान, या पुलाच्या दुरुस्तीकडे जाणूनबुजून दुर्लक्ष केलेल्या सार्वजनिक बांधकाम विभाग व जलसंपदा विभागाच्या अधिकाऱ्यांवर मनुष्यवधाचा गुन्हा दाखल करावा, अशी मागणी शेळगाव व तेलओढा येथील ग्रामस्थांनी केली आहे. दुरूस्ती संदर्भात जलसंपदा विभाग व सार्वजनिक बांधकाम विभागाचे अधिकाऱ्यांनी हा पुल आमच्याकडे नाही म्हणून दुर्लक्ष केले होते.
