आदित्य बोराटे
Indapur News इंदापूर, ता. ५ : इंदापूर तालुक्यात चोरट्यांनी एकाच रात्रीत दोन ठिकाणी घरफोड्या करत नागरिकांच्या सुरक्षेवर प्रश्नचिन्ह निर्माण केले आहे. वरकुटे बुद्रुक आणि अगोती नं. १ येथे मध्यरात्री अज्ञात चोरट्यांनी घरांचे कुलूप फोडून तब्बल १० लाख ७१ हजार रुपयांचा मुद्देमाल लंपास केला. Indapur News
मिळालेल्या माहितीनुसार, वरकुटे बुद्रुक येथील अक्षय दिलखुश चितळकर (वय २८) यांच्या घराचे कुलूप तोडून चोरट्यांनी कपाटातील सुमारे ९ लाख ७३ हजार रुपयांचे सोन्या-चांदीचे दागिने चोरून नेले. Indapur News याच रात्री अगोती नं. १ येथे आकाश शरद गुनवरे (वय ३०) यांच्या घरातही चोरीची घटना घडली. चोरट्यांनी येथेही घरफोडी करत सुमारे ९८ हजार रुपयांचा मुद्देमाल लंपास केला.
या सलग दोन घरफोड्यांमुळे परिसरात भीतीचे वातावरण निर्माण झाले असून नागरिकांमध्ये संतापाची लाट उसळली आहे. वाढत्या चोरीच्या घटनांमुळे पोलिसांच्या गस्तीसंदर्भातही प्रश्न उपस्थित केले जात आहेत. या प्रकरणी इंदापूर पोलीस ठाण्यात गुन्हा दाखल करण्यात आला असून, उपनिरीक्षक अजित बिरादार यांच्या मार्गदर्शनाखाली पुढील तपास सुरू आहे. चोरट्यांचा शोध घेण्यासाठी पोलिसांकडून विशेष पथक तैनात करण्यात आले असल्याची माहिती मिळत आहे. Indapur News
