राहुलकुमार अवचट :
Daund News : यवत, (पुणे) : दौंड पाटस रोडवर अपघातानंतर चारचाकी ऑडी कार पेटवून दिल्याप्रकरणी ९ जणांवर यवत पोलीस ठाण्यात गुन्हा दाखल करण्यात आला आहे. (Daund News)
मयुर अंकुश गावडे, मनोज उर्फे मुन्ना अजिनाथ घटकळ, संजु विलास वायाळ, रोहन मुकेश गावडे, सोमनाथ दत्तु गावडे (रा. सर्वजण बिरोबावाडी ता. दौंड व इतर आणखी ४ जणांवर गुन्हा दाखल करण्यात आलेल्या आरोपींची नावे आहेत. याप्रकरणी यवत पोलीस ठाण्याचे पोलीस नाईक हनुमंत भाऊसाहेब भगत यांनी फिर्याद दिली आहे. (Daund News)
पोलिसांनी दिलेल्या माहितीनुसार, पाटस – दौड रोडवर शनिवारी (ता. २४) बिरोबावाडी (ता. दौंड) ग्रामपंचायत हद्दीत तळाचा पाण्याचा ओढा येथे भरधाव वेगाने जाणाऱ्या कारने दुचाकीला धडक दिली. या धडकेत दुचाकीस्वार नेहल अप्पासाहेब गावडे (वय २६, रा. पाटस-बिरोबावाडी ता.दौंड) या युवकाचा जागीच मृत्यू झाला होता. (Daund News)
चारचाकी गाडीने धडक दिल्याने युवकाचा मृत्यू झाल्याच्या कारणावरून ९ जणांनी बेकायदा गर्दी, जमाव जमवुन सदर गाडीवर पेट्रोल टाकुन तिचे नुकसान करण्याच्या हेतूने ती जाळून टाकली. त्यानुसार पोलीस नाईक भगत यांनी दिलेल्या फिर्यादीनुसार वरील ९ जणांवर गुन्हा दाखल करण्यात आला आहे. तपास पोलीस उपनिरीक्षक संजय नागरगोजे करीत आहेत. (Daund News)
