(Daund Crime) दौंड (पुणे) : दौंड तालुक्यातील केडगाव येथून धक्कादायक बातमी समोर आली आहे. एका 17 वर्षीय मुलाचे अपहरण करून त्याला रेल्वे गाडीखाली टाकून जीवे मारून टाकण्याचा प्रयत्न केला. या घटनेनंतर परिसरात एकच खळबळ उडाली आहे.
यवत पोलीस ठाण्यात दोन जणांवर गुन्हा दाखल…!
याप्रकरणी प्रकाश शिवाजी शेळके (वय 43, धंदा नोकरी, रा.केडगाव स्टेशन, शिंदे हॉस्पिटल ता.दौंड) यांनी यवत पोलीस ठाण्यात फिर्याद दिली आहे. त्यावरून यवत पोलिसांनी बाळासाहेब उर्फ महेंद्र सोडणवर (रा.केडगाव,पिसेवस्ती ता.दौंड, पुणे) आणि बाळासाहेब भागुजी रुपणवर (रा.दापोडी, ता.दौंड) या दोघांवर गुन्हा दाखल केला आहे. शुभम शेळके असे अपहरण करण्यात आलेल्या मुलाचे नाव आहे.
मिळालेल्या माहितीनुसार…!
फिर्यादी यांचा मुलगा शुभम याचे आरोपी बाळासाहेब सोडणवर व बाळासाहेब रुपणवर या दोघांनी एका विशिष्ट कारणावरून शुभम यास मारहाण केली. त्यानंतर त्याचे स्कॉर्पिओ एम. एच. 42 – ए.डी. 8055 यामध्ये बसवून त्याचे अपहरण केले. तसेच त्याचे हातपाय बांधून त्यास जीवे मारण्याच्या उद्देशाने रेल्वे गाडीखाली फेकून देण्याचा प्रयत्न केला. असे फिर्यादीत मुलाच्या वडिलांनी नमूद केले आहे. पुढील तपास पोलीस करत आहेत.
