वाघोली : स्वातंत्र्यदिनाच्या दिवशी वाघोली परिसरात गुन्हे शाखा युनिट 6 च्या पोलिसांनी तब्बल 76 लाख 1 हजार 710 रुपयांचा मॅफेड्रॉन (एम.डी.) अंमली पदार्थ व इतर मुद्देमाल जप्त केला आहे. या प्रकरणी राजस्थानातील दोन जणांना अटक करण्यात आली असून त्यांच्यावर एन.डी.पी.एस. कायद्यान्वये गुन्हा दाखल करण्यात आला आहे. शुक्रवारी 15 ऑगस्टला तांबे वस्ती, गुलमोहर पार्क मागे, बकोरी, वाघोली येथे करण्यात आली.
रामेश्वरलाल मोतीजी आहिर, (वय – 45, रा. अहिर मोहल्ला, पोस्ट लोठीयाना, गांव चक्रतीय, जिल्हा चित्तोडगड राज्य राजस्थान), नक्षत्र हेमराज अहिर, (वय 25, रा अहिर मोहल्ला, पोस्ट लोठीयाना, गांव चक्रतीय, जिल्हा चित्तोडगड राज्य राजस्थान) असे अटक करण्यात आलेल्या दोघांची नावे आहेत.
पोलिसांनी दिलेल्या माहितीनुसार, गुन्हे शाखेचे पथक गस्त घालीत असताना अंमली पदार्थ विरोधी मोहिमेअंतर्गत बकोरी, वाघोली येथे सार्वजनीक ठिकाणी रामेश्वरलाल आहिर व नक्षत्र अहिर यांच्या ताब्यातून एकुण 76 लाख 1 हजार 710 रुपयांचा मॅफेड्रॉन (एम.डी.) अंमली पदार्थ जप्त करण्यात आले. त्यामध्ये 351 ग्रॅम 502 मिलीग्रॅम मॅफेड्रॉन (एम.डी.) हा अंमली पदार्थ तसेच इतर रैवज जप्त करण्यात आला आहे. त्यांच्या विरुध्द वाघोली पोलीस स्टेशन गुन्हा रजि. 420 /2025 एन.डी.पी.एस. अॅक्ट कलम 8 (क), 21 (क), 29 अन्वये गुन्हा दाखल करण्यात आलेला आहे.
सदरची कामगिरी पोलीस निरीक्षक सुदर्शन गायकवाड, पोलीस निरीक्षक वाहीद पठाण, सहायक पोलीस निरीक्षक नितीन कुमार नाईक, राकेश कदम, मदन कांबळे, व पोलीस अंमलदार ऋषीकेश ताकवणे, प्रशांत बोमांदंडी, संदिप शेळके, संदिप जाधव, नितीन जगदाळे, दिनेश बास्टेवाड, सारंग दळे, प्रशांत कापुरे, गिरीश नाणेकर, सचिन पवार, कानिफनाथ कारखेले, ऋषीकेश व्यवहारे, गुन्हे शाखा पुणे शहर यांनी केली आहे.
