पुणे : पाणी पिण्याच्या बहाण्याने घरात घुसून सुरक्षा रक्षक महिलेचा विनयभंग केल्याची घटना उघडकीस आली आहे. ही घटना रविवारी (ता. २२) सकाळी दहाच्या सुमारास बोकडेवाडी, माण येथे घडली आहे.याप्रकणी एका २६ वर्षीय तरुणावर हिंजवडी पोलीस ठाण्यात गुन्हा दाखल करण्यात आला आहे.
नितेश जाधव (वय.२६, रा. हिंजवडी) असे गुन्हा दाखल करण्यात आलेल्या आरोपीचे नाव आहे.
पोलिसांनी दिलेल्या माहितीनुसार, आरोपी आणि फिर्यादी हे एकाच कंपनीत सुरक्षा रक्षक म्हणून कामाला आहेत. त्यामुळे त्यांच्यात तोंडओळख आहे. रविवारी (ता.२२) सकाळी दहाच्या सुमारास फिर्य़ादी या घरी असताना आरोपी घरी आला. त्याने पिण्यासाठी पाणी मागितले. त्यानंतर फिर्यादी यांनी पाणी आणले, पाण्याचा ग्लास घेताना आरोपीने फिर्यादी यांचा हात पकडून अश्लील चाळे करुन त्यांच्या मनास लज्जा उत्पन्न होईल असे कृत्य केले.
त्यानंतर महिलेने हिंजवडी पोलीस ठाण्यात फिर्याद दिली. पोलिसांनी आरोपीविरुद्ध गुन्हा दाखल केला असून आरोपी फरार झाला आहे. या घटनेचा पुढील तपास पोलीस करीत आहेत.
