लहू चव्हाण :
पाचगणी : पाचगणी येथील रस्त्यावर काराने कुत्र्याला चिरडल्याची घटना बुधवारी (ता.१७ ऑगस्ट) दुपारी सव्वा दोन वाजण्याच्या सुमारास घडली आहे.
याप्रकरणी प्रबोध शंकर गायकवाड ( वय -५० व्यवसाय -हॉटेल, रा. जयभवानी हाऊसिंग सोसायटी यांनी पोलीस ठाण्यात फिर्याद दिली आहे. त्यानुसार पाचगणी पोलिस ठाण्यात अज्ञात कारचालकाविरुद्ध गुन्हा दाखल करण्यात आला आहे.
पाचगणी पोलिसांनी दिलेल्या माहितीनुसार,पांचगणी गावच्या हद्दीत बेल एअर हॉस्पिटल – शिवाजीनगर रोडवर जेनिशियस अँनिमल वेलफेअर नावाचे ट्रस्ट आहे. या ट्रस्टमध्ये औषधोपचाराकामी अंदाजे ८ महिने वयाचे तांबुस रंगाचे गावटी कुत्र्यास आणले होते. जेनिशियस अँनिमल वेलफेअर ट्रस्टच्या कार्यालयासमोर फोर्ड इन्ड्युअर कार क्रं MH 05 ES 8484 वरील चालकाने कुत्र्यास चिरडले.
दरम्यान, अज्ञात कारचालकाविरुद्ध पाचगणी पोलीस ठाण्यात 67/ 2022 भादवि 428 प्रमाणे गुन्हा दाखल करण्यात आला आहे.तरी, पुढील तपास पाचगणीचे सहाय्यक पोलीस निरीक्षक सतीश पवार यांच्या मार्गदर्शनाखाली पोलीस नाईक एन.एस.माने करीत आहेत.
