खंडाळा / जीवन सोनवणे : शिरवळ भागात ऐन गणेशोत्सव काळात २२ वर्षीय तरुणाने आत्महत्या केल्याची घटना घडली. गणेश बाबू चव्हाण (वय २२, रा. तानाजी चौक, शिरवळ) असे मृत तरुणाचे नाव आहे. या तरूणाने आत्महत्या का केली यामागचे कारण अद्याप समजू शकले नाही.
राज्यात दररोज गुन्हेगारी स्वरूपात घटना समोर येत असतात. कुठे खून तर कुठे मारहाण तर कुठे आत्महत्या झाल्याचे समोर येत असते. त्यामुळे पोलिसांपुढे त्या गुन्ह्यांचे किंवा आत्महत्येचे गूढ उघडण्याचे आव्हान असते. घटनास्थळावरून मिळालेल्या माहितीनुसार, शिरवळ भागात ऐन गणेशोत्सव काळात गणेश चव्हाण याने आत्महत्या केली. शिरवळनजीक असलेल्या पानसरे वस्ती भागातील एका विट भट्टीवरील खोलीमध्ये दोरीच्या साहाय्याने आत्महत्या केल्याची घटना उघडकीस आली.
दरम्यान, या आत्महत्येमागचे कारण अद्याप समजू शकले नाही. याप्रकरणी शिरवळ पोलीस घटनास्थळी दाखल झाले असून, या घटनेची नोंद शिरवळ पोलीस स्टेशनमध्ये झाली आहे.
