नाशिक : अंत्यविधीसाठी आलेल्या १० जणांना भरधाव कारने जोरदार धडक दिल्याची धक्कादायक घटना नाशिक येथील अमरधाम येथे मध्यरात्री घडली आहे. या अपघातात कारमधील ५ जणांसह अंत्यविधीसाठी आलेले १० असे एकूण १५ जण गंभीर जखमी झाले आहेत.
मिळालेल्या माहितीनुसार, जुने नाशिक परिसरात शितळादेवी मंदिरासमोरील अमरधामला सिटी लिंक बसवाहक मकरंद पंचाक्षरीं यांचा मृत्यू झाला होता. त्यांच्या अंत्यविधीसाठी नाशिक अमरधामला अनेक सिटीलिंक कर्मचारी आले होते. त्यातील काहीजण बाहेर रस्त्यावर उभे असताना पंचवटी अमरधामकडून नानावलीकडे भरधाव वेगाने जाणारी कार समोर उभ्या असलेल्या घोळक्यावर जाऊन धडकली.
दरम्यान, या घटनेत रस्त्यावर उभे असलेले दहा, तर कारमधील पाच असे पंधरा जण जखमी झाल्याची माहिती पोलिसांनी दिली आहे. पुढील तपास नाशिक पोलीस करीत आहेत.
