प्रा. सागर घरत
करमाळा : किरकोळ कारणावरून दोघांनी एकास खोऱ्याच्या दांड्याने व उसतोडीच्या कोयत्याने मारहाण करून शिवीगाळ व दमदाटी केल्याची घटना कुंभारगाव (ता. करमाळा) येथे घडली आहे. याप्रकरणी करमाळा पोलिसांनी दोघांवर गुन्हा दाखल केला आहे.
शिवाजी भानुदास पानसरे व चिमाजी शिवाजी पानसरे (दोघे रा. कुंभारगाव, ता. करमाळा) अशी मारहाण करणाऱ्या दोघांची नावे आहेत. याप्रकरणी बिभीषण तानाजी पानसरे (वय-३८, रा. कुंभारगाव) यांनी करमाळा पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, शिवाजी व चिमाजी यांनी बिभीषण पानसरे यांना खोऱ्याच्या दांडयाने खांदयावर, डावा हात व कानावर मारहाण केली. त्यामुळे डाव्या कानाला जखम झाली होती. त्याचप्रमाणे चिमाजी याने हातातील उसतोडीच्या कायत्याने डोक्यात कोयता मारूण जखमी करून शिवीगाळ व दमदाटी केल्याप्रकरणी शिवाजी व चिमाजी यांच्यावर करमाळा पोलीस ठाण्यात गुन्हा दाखल करण्यात आला आहे. तपास पोलिस नाईक चौधरी हे करत आहेत.
दरम्यान शिवाजी पानसरे यांनी वरील आरोप फेटाळले आहेत, सदर प्रकरणात आमच्यावर केलेले आरोप चुकीचे असून अशा प्रकारचे कृत्य घडलेच नाही असे मत शिवाजी पानसरे यांनी व्यक्त केले आहे.
