नवी दिल्ली: केंद्र सरकारने ‘आत्मनिर्भर भारत’ मोहिम राबवण्यास (Zoho Mail Switch) सुरुवात केली आहे. या मोहिमेला आणखी बळ देण्यासाठी केंद्रीय गृहमंत्री अमित शाह यांनी आपला ईमेल प्लॅटफॉर्म बदलण्याचा महत्त्वाचा निर्णय घेतला आहे. अमित शाह यांनी आपला ईमेल पूर्णपणे Zoho Mail या भारतीय बनावटीच्या (Made-in-India) प्लॅटफॉर्मवर स्विच करण्याची घोषणा केली आहे. Zoho Mail हे सध्या Gmail ला एक मजबूत स्वदेशी पर्याय म्हणून लोकप्रिय होत आहे. हे प्लॅटफॉर्म गोपनीयता-केंद्रित (Privacy-focused) असून, डेटा सुरक्षित ठेवण्यासाठी मजबूत एनक्रिप्शन प्रोटोकॉल वापरते. दरम्यान, अमेरिकेच्या शुल्क आणि दबावाच्या पार्श्वभूमीवर हा निर्णय महत्त्वाचा मानला जात आहे.
सुरक्षित आणि जाहिरातमुक्त सेवा
Zoho Mail ची प्रमुख वैशिष्ट्ये म्हणजे ते जाहिरात-मुक्त (Ad-free) आहे आणि व्यावसायिकांसाठी उपयुक्त असलेला कस्टम डोमेन सपोर्ट (Custom Domain Support) देखील यात उपलब्ध आहे.
Zoho Mail वर स्विच करणे सोपे
तुम्हालाही सुरक्षित आणि स्वदेशी Zoho Mail वर स्विच करायचे असल्यास, ही प्रक्रिया खूप सोपी आहे.
- Zoho Mail अकाउंट तयार करा.
- Gmail अकाउंटच्या Settings मध्ये IMAP पर्याय Enable करा.
- Zoho च्या Migration Tool चा वापर करून तुमचा जुना डेटा (Emails, Contacts) इम्पोर्ट करा.
- Gmail मध्ये ‘Forwarding’ सेट करून नवीन Zoho Mail ॲड्रेसवर मेसेज फॉरवर्ड करा.
- सर्व महत्त्वाच्या सेवांमध्ये तुमचा नवीन ईमेल ॲड्रेस अपडेट करा.
डेटा सुरक्षा आणि गोपनीयतेला महत्त्व देणाऱ्या या स्वदेशी ईमेल प्लॅटफॉर्मचा वापर वाढल्यास, ‘आत्मनिर्भर भारत’च्या डिजिटल धोरणाला आणखी बळ मिळेल, यात शंका नाही.
