अमरावती : अमरावती जिल्ह्यातून एक धक्कादायक घटना समोर येत आहे पूर्व वैमनस्यातून एका व्यक्तीने अंगात गप्पा मारत बसलेल्या कुटुंबातील सहा लोकांच्या अंगावर कार घालून चिरडल्याची धक्कादायक घटना घडली आहे. या प्रकरणात ३ जणांचा मृत्यू झाला असून ३ गंभीर जखमी झाल्याची प्राथमिक माहिती आहे.
दर्यापूर तालुक्यातील खल्लार पोलीस स्टेशन अंतर्गत असलेल्या नाचोना या गावात ही घटना घडली आहे. या धक्कादायक प्रकारातील आरोपी हा दारूचा व्यवसाय आहे. नाचोना या गावांमध्ये दारूचा व्यवसाय अवैधपणे सुरू असल्याचं सांगितलं जात आहे.
मिळालेल्या अधिक माहितीनुसार, नाचोना गावातील अंभोरे कुटुंबीय आपल्या घराच्या अंगात गप्पा मारत बसले होते. त्यावेळी गावातील अवैधपणे दारू विक्री करणाऱ्या व्यक्तीने जुन्या वादातून रागाच्या भरात त्यांचे चारचाकी वाहन चक्क घराच्या अंगणात आणून वृद्ध आणि महिलांच्या अंगावर घातली. या घटनेत तीन जण जागीच ठार झाले असून अन्य तीन गंभीर जखमी झाले आहेत.
अनुसया शामराव अंभोरे (वय६७), शामराव लालूजी अंभोरे (वय ७० मृत्यू), अनारकली मोहन गुजर (वय ४३), असं मृत झालेल्या व्यक्तींची नावे आहेत. तर शारदा उमेश अंभोरे (वय ४०) उमेश अंभोरे (वय ४० ), किशोर शामराव अंभोरे (वय ३८) हे जखमी झाले आहेत. सर्व नाचोना खुर्माबाद येथील रहिवाशी आहेत.
या घटनेतील बचावलेल्या महिलांनी दिलेल्या माहितीनुसार, ते सर्वजण रस्त्यावर उभे होते. त्यावेळी संशयित आरोपीने कार त्यांच्या अंगावर घातली. जाणूनबुजून त्याने कार आमच्या अंगावर आणत होता. आम्हाला पळून जाण्याची त्याने संधी दिली नाही.
