बुलढाणा : भारतीय जनता पक्षाचे माजी आमदार विजयराज शिंदे यांच्या कारला समाेरुन येणाऱ्या बसने जोरदार धडक दिली. यामध्ये शिंदे आणि त्यांचा कारचालक जखमी झाले असून त्यांना उपचारासाठी अकाेला येथे दाखल करण्यात आले आहे. हा अपघात शनिवारी ७ ऑक्टाेबर राेजी सकाळी अकाेला ते अमरावती रस्त्यावर कुरणखेड गावाजवळ घडली.
विजयराज शिंदे हे अमरावती येथे भाजप नेते आणि खासदार अनिल बाेंडे यांना भेटण्यासाठीशनिवारी कार क्र.एमएच २८ एएन २७५७ ने येथे जात हाेते. या दरम्यान ते कुरणखेड गावाजवळ आल्यानंतर त्यांच्या कारला समाेरुन येणाऱ्या बसने समाेरासमाेर धडक दिली. या धडकेत कारच्या समोरील भागाचे मोठे नुकसान झाले आहे. कारला बस धडकताच एअरबॅग उघडल्याने जीवित हानी टळली. यामध्ये शिंदे आणि यांचे सहकारी हे जखमी झाले. अपघातानंतर जखमी झालेल्या दोघानांही अकाेला येथे उपचारासाठी दाखल करण्यात आले आहे.
हेही वाचा:
Pune News : शेतात राबणाऱ्या हातांना पोलिस भरतीत यश ; ललिता झाली मुंबई शहर पोलीस चालक..
Pune News : माळशेज घाटात एसटी बस व ट्रकचा भीषण अपघात ; २० प्रवासी जखमी, ट्रक महामार्गावर उलटला..
