नांदेड : शहरातील सक्षम ताटे (Saksham Tate Murder) हत्याकांडाने संपूर्ण महाराष्ट्र (Anchal Mamidvar) हादरून गेला होता. जातीयवादातून घडलेल्या या ऑनर किलिंगच्या (Nanded Honor Killing) घटनेमुळे राज्यभर संताप व्यक्त करण्यात आला. नांदेड पोलिसांनी या (Nanded News) प्रकरणात आतापर्यंत 8 आरोपींना अटक केली आहे. मात्र अटकेत (Nanded Viral News) असलेल्या एका आरोपीचे इन्स्टाग्राम अकाउंट अद्याप सक्रिय असल्याचे समोर आल्याने खळबळ उडाली होती. या अकाउंटचे नाव ‘हिमेश मामिडवार 302’ असे असून त्यावर आरोपीचे हातात बेड्या घातलेले आणि पोलिसांच्या ताब्यातील फोटो पोस्ट करण्यात आले होते. (Latest Marathi News)
दरम्यान, या प्रकरणाला वेगळे वळण मिळाले असून मृत सक्षम ताटेची आई आणि त्याची प्रेयसी यांनी जिल्हाधिकारी कार्यालयासमोर जाळून घेण्याचा प्रयत्न केल्याने मोठी खळबळ उडाली आहे. नांदेडमध्ये काही दिवसांपूर्वी प्रेमसंबंधातून सक्षम ताटे या युवकाची हत्या करण्यात आली होती. या प्रकरणात दोन पोलीस कर्मचारी दोषी असून त्यांना आरोपी करावे, अशी मागणी सक्षमच्या कुटुंबीयांकडून करण्यात येत आहे. याच मागणीसाठी आज मृत युवकाची आई आणि प्रेयसीने जिल्हाधिकारी कार्यालयासमोर अंगावर पेट्रोल टाकून आत्मदहनाचा प्रयत्न केला. मात्र पोलिसांनी वेळेवर हस्तक्षेप केल्याने मोठा अनर्थ टळला. या घटनेनंतर काही काळ परिसरात तणावाचे वातावरण निर्माण झाले होते. यावेळी उपस्थित नागरिकांनी पोलीस प्रशासनाविरोधात संताप व्यक्त केला.
या प्रकरणाची पार्श्वभूमी पाहता, आंचल मामिडवार आणि सक्षम ताटे यांची ओळख 2022 मध्ये झाली होती. दोघांमध्ये प्रेमसंबंध निर्माण झाल्यानंतर आंचलच्या कुटुंबाने तिला घरात डांबून ठेवले. परिस्थिती हाताबाहेर जात असल्याचे लक्षात आल्यानंतर आंचलच्या कुटुंबाने सक्षमविरोधात POCSO कायद्याअंतर्गत तक्रार दाखल केली. मात्र प्रकरण तपासणाऱ्या एका महिला पोलीस अधिकाऱ्याने दोघांचे नाते परस्पर संमतीने असल्याचे स्पष्ट करत POCSO लागू होत नसल्याचे सांगितले होते. तरीही आंचलच्या कुटुंबाने तक्रार मागे घेण्यास नकार दिला.
आंचल 18 वर्षांची झाल्यानंतर तिने स्वतः पोलीस ठाण्यात जाऊन POCSO प्रकरण मागे घ्यायचे असल्याचे निवेदन दिले होते. सक्षमचे कुटुंब आंबेडकरवादी बौद्ध समाजाचे असून आंचलचे कुटुंब पद्मशाली हिंदू समाजातील आहे. जातभेद आणि प्रतिष्ठेच्या कारणावरून मामिडवार कुटुंब या नात्याला तीव्र विरोध करत होते. त्यांनी सक्षमवर मानसिक दबाव टाकत धर्मांतराची अट घातली होती. सक्षमने प्रेमासाठी धर्मांतराची तयारी दर्शवली होती, मात्र कुटुंबाचा स्वीकार केवळ दिखावा असल्याचे नंतर स्पष्ट झाले आणि त्यातूनच ही धक्कादायक हत्या झाल्याचे समोर आले आहे.
