पोर्तुगाल : जर्मनीतील म्युनिक येथील अलियान्झ अरेना येथे झालेल्या UEFA नेशन्स लीगच्या अंतिम सामन्यात पोर्तुगालने, पोलंडचा ५-३ असा पराभव करत या स्पर्धेत दोनदा विनर म्हणून ट्रॉफी उचलणारा पहिला देश ठरला आहे. पोर्तुगालने मिळवलेल्या या विजयात रोनाल्डोने महत्वाची भूमिका बजावली आहे.
या सामन्यात निर्धारित वेळेत दोन्ही संघानी २-२ असे गोल केले होते. क्रिस्टियानो रोनाल्डोने पोलंडची बरोबरी करण्यास मदत करणारा महत्त्वाचा गोल केला. सामना बरोबरीत सुटल्यानंतर पेनल्टी शूटआउटमध्ये, पोर्तुगालने कोणतीही चूक न करता ५-३ असा संस्मरणीय विजय मिळवला. या सामन्यानंतर मात्र, जगभर लोकप्रिय असलेला खेळाडू रोनाल्डो याने पुढील एक-दोन वर्षात निवृत्तीचे संकेत दिले आहेत.
सामना जिंकल्यानंतर क्रिस्टियानो रोनाल्डो प्रतिक्रिया देताना म्हणाला की, ‘तुम्हाला माहिती आहे की मी किती वयाचा झालो आहे. स्पष्टपणे, मी शेवटच्या टप्प्याजवळ आहे, परंतु मला प्रत्येक क्षणाचा आनंद घ्यावा लागेल. जर मला गंभीर दुखापत झाली नाही तर मी खेळत राहीन.’ असं खेळाडू म्हणाला. त्याच्या या प्रतिक्रियेनंतर सर्वत्र त्याच्या निवृत्तीची चर्चा सुरु झाली आहे.
