युनूस तांबोळी
शिरुर : मलठण (ता. शिरूर) ग्रामपंचायतीच्या उपसरपंचपदी रामचंद्र आनंदा गायकवाड यांची बिनविरोध निवड झाली. विद्यमान उपसरपंच दादासाहेब गावडे यांनी पदाचा राजीनामा दिल्यानंतर रिक्त झालेल्या जागेसाठी सरपंच अनुसया कदम यांच्या अध्यक्षतेखाली निवडणूक पार पडली. या वेळी गायकवाड यांचा एकमेव अर्ज आल्याने ही निवडणूक बिनविरोध पार पडली.
या वेळी शिरूर तालुक्याचे माजी आमदार पोपटराव गावडे, घोडगंगा सहकारी साखर कारखान्याचे माजी संचालक राजेंद्र गावडे, संचालक सुहास थोरात, माजी पंचायत समिती सदस्य डॉ. सुभाष पोकळे, पुणे जिल्हा ग्रामसेवक संघटनेचे अध्यक्ष श्रीकांत वाव्हळ, सरपंच अनुसया कदम, माजी सरपंच विलासराव थोरात, माजी सरपंच माधुरी थोरात, माजी सरपंच शशिकला वाव्हळ, माजी सरपंच राणीताई नरवडे, माजी उपसरपंच दत्तोबा दंडवते, मुकुंद नरवडे, शशिभाऊ वाव्हळ, उद्योजक रामभाऊ गायकवाड, संदीप गायकवाड, युवा उद्योजक सागर दंडवते, सखाराम मावळे, किरण शिंदे, उद्योजक विक्रम भुजबळ यांच्यासह ग्रामपंचायत सदस्य व ग्रामस्थ मोठ्या संख्येने उपस्थित होते.
या वेळी माजी आमदार पोपटराव गावडे म्हणाले की, मलठण गावच्या विकासामध्ये आनंदराव गायकवाड यांचे मोलाचे योगदान आहे. त्यांनी वेळोवेळी गावच्या विकासासाठी समन्वयाची भूमिका घेतली आहे. चिरंजीव रामचंद्र गायकवाड यांच्या रूपाने त्यांच्या कुटुंबाला न्याय मिळाला असून, गावाच्या विकासासाठी हे कुटुंब सदैव प्रयत्नशील आहे. या वेळी राजेंद्र गावडे, सुभाष पोकळे, सुहास थोरात यांच्यासह मान्यवरांनी शुभेच्छा देत त्यांचे अभिनंदन केले.
