Pune News : पुणे : दारु पिण्यास पैसे देत नाही, या रागाने पतीने पत्नीला लाथाबुक्क्यांनी जबर मारहाण केली. नशेसाठी व्याकूळ झालेल्या या पतीने एवढ्यावरच न थांबता पत्नीचा साडीने गळा आवळून खून करण्याचा प्रयत्न केल्याचा धक्कादायक प्रकार समोर वारजे माळवाडी परिसरात उघडकीला आला आहे. याप्रकरणी पत्नीच्या वडिलांनी फिर्याद दिली असून, त्याच्यावर खूनाचा प्रयत्न केल्याचा गुन्हा दाखल करण्यात आला आहे.
वारजे माळवाडी येथील प्रकार
अधिक माहितीनुसार, शिला संतोष शिरसाठ (वय ३०, रा. वारजे माळवाडी) असे संबंधित महिलेचे नाव असून, तिच्यावर सध्या रुग्णालयात उपचार सुरू आहेत. (Pune News) याप्रकरणी शिला यांचे वडिल माधव नारायण सूर्यवंशी (वय ६०, रा. केदार बुडा, पो. कवाना, ता. हदगाव, जि. नांदेड) यांनी वारजे माळवाडी पोलीस ठाण्यात फिर्याद दिली आहे. त्यावरुन पोलिसांनी संतोष शिरसाठ (वय ४०, रा. वारजे माळवाडी) याच्यावर खूनाचा प्रयत्न केल्याचा गुन्हा दाखल केला आहे.
याबाबत पोलिसांनी दिलेल्या माहितीनुसार, संतोष शिरसाट हा मजुरी काम करतो. तो मूळचा नांदेड येथील आहे. कामानिमित्त दीड-दोन महिन्यांपूर्वी ते पुण्यात रहायला आले. (Pune News) संतोष याने दारु पिण्यासाठी शिलाकडे पैसे मागितले. मात्र, शिलाने पैसे देण्यास नकार दिला. यामुळे त्यांच्यात जोरदार भांडणे झाली. संतोष याने पत्नीला शिवीगाळ करुन लाथाबुक्क्यांनी मारहाण केली. तसेच साडीने तिचा गळा आवळून जीवे मारण्याचा प्रयत्न केला.
दरम्यान, घरातून येणारा आरडाओरडीचा आवाज ऐकून शेजारील नागरिक जमा झाले आणि नराधमाच्या तावडीतून शिलाची सुटका केली. तिच्यावर रुग्णालयात उपचार करण्यात येत आहेत. (Pune News) या घटनेची माहिती वडिलांना कळल्यानंतर त्यांनी पुण्यात येऊन तक्रार दाखल केली. या घटनेनंतर संतोष शिरसाठ पळून गेला असून, पोलीस उपनिरीक्षक ओलेकर या घटनेचा अधिक तपास करीत आहेत.
अधिक बातम्या वाचण्यासाठी येथे क्लिक करा :
Pune News : गुप्तधनातील सोने-चांदीची नाणी स्वस्तात देण्याचे आमिष; व्यावसायिकाची ३० लाखांची फसवणूक
Pune News : नवले ब्रीजजवळ वाहनांना अॅलर्ट करणाऱ्या स्पीडगनचीच चोरी
Pune news : ‘पोरी तुझा पाहून गं टॅटू’… गाण्याची गणेशोत्सवात धूम
