लोणी काळभोर, (पुणे): लोणी काळभोर (ता. हवेली) येथील ग्रामपंचायतीच्या उपसरपंचपदी भारती राजाराम काळभोर यांची बिनविरोध निवड झाली. ग्रामपंचायतीच्या विद्यमान उपसरपंच संगीता सखाराम काळभोर यांनी आपल्या पदाचा राजीनामा दिल्याने हि निवडणूक घेण्यात आली.
लोणी काळभोरच्या सरपंच माधुरी काळभोर यांच्या अध्यक्षतेखाली मंगळवारी (ता. १९) ग्रामपंचायत कार्यालयात उपसरपंचपदाची निवडणूक घेण्यात आली. यावेळी उपसरपंच पदासाठी भारती काळभोर यांचा एकमेव उमेदवारी अर्ज आल्याने सरपंच माधुरी काळभोर यांनी भारती काळभोर यांची उपसरपंचपदी बिनविरोध निवड झाल्याची घोषणा केली. ग्रामविकास आधिकारी जे. एच. बोरावणे यांनी निवडणूकीचे कामकाज पाहिले.
यावेळी माजी जिल्हा परिषद सदस्य माधव काळभोर, महाराष्ट्र केसरी पै.राहुल काळभोर, कॉंग्रेसचे हवेली तालुकाध्यक्ष शिवदास काळभोर, साधना बँकेचे माजी अध्यक्ष सुभाष काळभोर, माजी उपसभापती सनी काळभोर, माजी सरपंच राजाराम काळभोर, माजी उपसरपंच योगेश काळभोर, ज्योती काळभोर, राजेंद्र काळभोर, ग्रामपंचायत सदस्य नागेश काळभोर, भरत काळभोर, साविता लांडगे, प्रियांका काळभोर, ललिता काळभोर, सामाजिक कार्यकर्ते सचिन काळभोर, अमित काळभोर, युवराज काळभोर आदी ग्रामस्थ, ग्रामपंचायत कर्मचारी वृंद उपस्थित होते.
गावच्या सर्वागिण विकास कामासाठी सरपंच – ग्रामपंचायत सदस्य आम्ही सर्व जण प्रयत्न करु तसेच येणाऱ्या भविष्यकाळात मला मिळालेल्या पदाचा विकासकामे करत असताना नागरिकांनी सहकार्य करण्याचे आवाहन नवनिर्वाचित उपसरपंच भारती काळभोर यांनी केले.
