लोणी काळभोर : गुऱ्हाळाच्या व्यवसायासाठी 40 ते 50 ऊसतोड मजूर आणून देण्याचे आमिष दाखवून दोन चुलत भावांनी लोणी काळभोर (ता. हवेली) येथील पोलिस पाटलांची 5 लाख 22 हजार रुपयांची आर्थिक फसवणूक केल्याची घटना घडली आहे. ही घटना लोणी काळभोर ग्रामपंचायत हद्दीतील रानमळा परिसरात 2024 ते 20 एप्रिल 2025 या कालावधीत घडली आहे. लोणी काळभोर पोलीस ठाण्यात दोघांच्या विरोधात गुन्हा दाखल करण्यात आला आहे.
कालूसिंग पावरा (रा. तेलखडे, ता. धडगाव जि. नंदुरबार) व भाईदास पावरा (रा. तेलखडे ता.धडगाव, जि. नंदुरबार) असे गुन्हा दाखल करण्यात आलेल्या आरोपींची नावे आहेत. याप्रकरणी लक्ष्मण दशरथ काळभोर (दादा पाटील) (वय 59, रा. तरवडी, लोणीकाळभोर ता. हवेली, जि.पुणे) यांनी लोणी काळभोर पोलीस ठाण्यात फिर्याद दिली आहे.
हेही वाचा: रक्षकच बनले भक्षक..! फळ विक्रेत्या तरुणीला निर्जनस्थळी नेत पोलिसांनीच केला बलात्कार; नेमकं काय घडलं?
पोलिसांनी दिलेल्या माहितीनुसार, फिर्यादी हे लक्ष्मण काळभोर हे लोणी काळभोर गावाचे पोलीस पाटील असून ते कुटुंबासोबत रायवाडी परिसरात राहतात. त्यांचा कृष्णाई गुळ उद्योग समुह या नावाने गुऱ्हाळ व्यवसाय आहे. काळभोर यांच्याकडे कालुसिंग पावरा हा गुऱ्हाळावर ऑक्टोबर 2024 पासून काम करीत होता. एप्रील 2025 मध्ये कालुसिंग पावरा याने सांगीतले की, आमच्या गावाकडे ऊसतोड मजुर आहेत. व त्याचा चुलत भाऊ भाईदास पायरा हा टोळीचा मुकादम आहे. त्याच्याकडे ओळखीचे 40 ते 50 कामगार असून त्यांच्याशी चर्चा करून त्यांना घेऊन येतो.
कालुसिंग पावरा हा काम करीत असल्याने काळभोर यांचा त्याच्यावर विश्वास बसला होता. त्यानंतर तो कामगार आणण्यासाठी नंदुरबार गेला. गावाला गेल्यानंतर कालुसिंगने काळभोर यांना फोन करून सांगितले की, कामगार भेटले असून त्यांना 20 हजार रुपये अडवान्स पाठवून द्या. त्यानंतर काळभोर यांनी फोन पे वरून पहिल्यांदा 20 हजार व दुसऱ्यांदा 2 हजार रुपये पाठवून दिले.
दरम्यान, 10 मे 2025 रोजी कालुसिंग पावरा याचा काळभोर यांना पुन्हा फोन आला. 40 ते 50 कामगारांची जुळवाजुळव झाली आहे. कामगारांना उचल द्यावी लागेल, त्यासाठी 5 लाख रुपये रोख घेऊन या. कामगार मिळतील या आशेने काळभोर हे 5 लाख रुपये रक्कम घेवून नंदुरबार येथे गेले. पाटील यांनी कालुसिंग पावरा याच्यावर पुर्णपणे विश्वास ठेवून सदर रक्कम त्याच्याकडे सुपूर्द केली. काळभोर यांनी यावेळी रक्कम देताना मोबाईलमध्ये शुटींगदेखील केले आहे. त्यानंतर काळभोर हे घरी आले.
हेही वाचा: ‘तुझे हातपाय तोडल्याशिवाय तू शांत बसणार नाही’ शरद पवारांच्या शिलेदाराला जीवे मारण्याची धमकी
दोन दिवसानंतर काळभोर यांनी कालुसिंग पावरा याला फोन करून मजुरांच्या संदर्भात विचारणा केली असता, पावरा याने सांगितले की, लोकांची जुळवाजुळव झाली आहे. आम्ही दोन दिवसात सर्वजण येणार आहे. असे सांगितले परंतु ते कामासाठी आले नाहीत. याप्रकरणी लक्ष्मण काळभोर यांनी लोणी काळभोर पोलीस ठाण्यात फिर्याद दिली आहे. त्यानुसार दोघांच्या विरोधात भारतीय न्याय सहिता अधिनियमन 316(2), 318(4), 3(5) प्रमाणे गुन्हा दाखल करण्यात आला आहे. पुढील तपास सहाय्यक पोलीस निरीक्षक अंकुश बोराटे करीत आहेत.
