Daund Crime: पुणे-सोलापूर राष्ट्रीय महामार्गालगत दौंड तालुक्यातील खडकी गावच्या हद्दीत असलेल्या ‘आनंद हॉटेल अॅण्ड लॉज’वर दौंड पोलिसांनी धाड टाकत मोठी कारवाई केली आहे. या कारवाईत वेश्याव्यवसाय (Daund prostitution crime) उघडकीस आला असून दोघा संशयितांविरोधात गुन्हा दाखल करण्यात आला आहे. अशी माहिती पोलीस निरीक्षक गोपाळ पवार यांनी दिली.
गुन्हा दाखल करण्यात आलेले आरोपी प्रभाकर गोपाळ शेट्टी व स्वप्नील संजय गुणवरे (दोघे रा. खडकी, ता. दौंड, जि. पुणे) अशी असून, ते आनंद हॉटेलमध्ये अवैधरित्या वेश्याव्यवसाय चालवत असल्याची माहिती दौंड पोलिसांना मिळाली होती.
मिळालेल्या माहितीच्या आधारे पोलीस पथकाने बनावट ग्राहकाच्या साहाय्याने छापा टाकला. छाप्यादरम्यान संबंधित हॉटेल व बारमध्ये महिलांमार्फत वेश्याव्यवसाय सुरू असल्याचे निदर्शनास आले. यावेळी आठ मुली व महिलांना पोलिसांनी ताब्यात घेतले आहे.
हेही वाचा: ‘हिंदू मुलींना धरा, जी भेटेल तिला..’ गरब्यात आलेल्या हिंदू मुली होत्या टार्गेटवर; लव्ह जिहादचा कट?
या प्रकरणी संबंधित आरोपींविरोधात ‘ अनैतिक व्यापार प्रतिबंध अधिनियम कायद्या अंतर्गत गुन्हा दाखल करण्यात आला आहे.
पुढील तपास पोलीस निरीक्षक गोपाळ पवार यांच्या मार्गदर्शनाखाली सुरू आहे.
सदर कारवाई पोलीस निरीक्षक गोपाळ पवार, पोलीस निरीक्षक महेश मेश्राम, उपनिरीक्षक रूपेश कदम, तसेच पोलीस कर्मचारी निखिल जाधव, संजय कोठावळे, अमीर शेख व किरण पांढरे यांच्या पथकाने केली आहे.
