पुणे : गेल्या काही दिवसापूर्वीच शिवसेना ठाकरे गटाला निरोप देत शिंदे गटात प्रवेश केलेले विधानपरिषदेचे आमदार सचिन अहिर यांची आज उपसभापतीपदी बिनविरोध निवड झाली आहे.त्यांच्या निवडीमुळे राज्याच्या राजकारणात नव्या चर्चांना सुरुवात झाली आहे.
सचिन अहिर हे राज्यातील परिचित आणि अनुभवी राजकारणी म्हणून ओळखले जातात. त्यांनी विविध पक्षांमध्ये काम करत अनेक वर्षे सक्रिय राजकारण केले आहे. राष्ट्रवादी काँग्रेसमधून राजकीय कारकीर्द पुढे नेत त्यांनी नंतर ठाकरे गटात प्रवेश केला होता. आता शिंदे गटात दाखल झाल्यानंतर त्यांना विधान परिषदेतील महत्त्वाचे पद मिळाले आहे.
त्यांच्या निवडीमुळे शिंदे गटाची विधान परिषदेतली ताकद आणि प्रभाव वाढला आहे . दुसरीकडे, ठाकरे गटासाठी हा राजकीय धक्का मानला जात आहे, कारण पक्षातील एक अनुभवी नेता दुसऱ्या गटात गेला आहे. उपसभापतीपदाची जबाबदारी मिळाल्यानंतर सचिन अहिर यांच्याकडे आता सभागृहाचे कामकाज सुरळीत चालवण्याची महत्त्वाची भूमिका असणार आहे.
विधानपरिषदेच्या उपसभापती पदाच्या निवडणुकीसाठी महायुतीकडून सचिन अहिर यांना उमेदवारी देण्यात आली होती. दुसरीकडे, महाविकास आघाडीकडून ठाकरे गटाचे आमदार जगन्नाथ अभ्यंकर यांनी अर्ज भरला होता. मात्र विधान परिषदेतील संख्याबळ पाहता महायुतीच्या उमेदवाराचा विजय जवळपास निश्चित मानला जात होता.त्यानुसार त्यांची बिनविरोध निवड करण्यात आली.त्यांच्या या निवडीमुळे शिंदे गटाची ताकद वाढली आहे.
