Pune Crime: भोर: पुणे जिल्ह्यातील भोर (Bhor) तालुक्यात एका युवकाने आत्महत्या केली. या घटनेनंतर परिसरात तणावाचे वातावरण निर्माण झाले आहे. गुरुवारी सकाळपासून नातेवाईक आणि आंबेडकरीचळवळीतील कार्यकर्ते आक्रमक भूमिका घेत रस्ता रोको आंदोलनाला बसले. तरुणाने एका पोलिस अधिकाऱ्यांच्या त्रासाला कंटाळून आत्महत्या केल्याचा दावा करत आहे. त्यामुळे अधिकाऱ्यावर कारवाई करा अश्या घोषणा करत आंदोलन केले जात आहे. (Pune Crime)
हेही वाचा- मोठी बातमी : नगरपरिषद निवडणुक मतदानाची वेळ बदलली! नवी वेळ जाहीर
मिळालेल्या माहितीनुसार, मयूर खुंटे असं आत्महत्या करणाऱ्या तरुणाचे नाव आहे. त्याने दोन दिवसांपूर्वी एका अल्पवयीन मुलीची छेडछाड केली होती त्याप्रकरणी चौकशीसाठी भोर पोलीस ठाण्यात बोलवण्यात आले होते. चौकशीदरम्यान काही पोलीस अधिकाऱ्यांनी त्यांच्यावर दबाब टाकला तसेच त्याचा बेदम मारहाण करण्यात आले असा आरोप मयुरच्या नातेवाईकांनी केला आहे.
दबाबाला बळी पडून मयूनने आत्महत्या केली. त्याचा मृतदेह भोर येथील सरकारी रुग्णालयात पोस्टमार्टमसाठी पाठवण्यात आला आहे. दरम्यान या प्रकरणी पोलिसांनी गुन्हा नोंदवून न घेतल्याने आंबेडकरी कार्यकर्ते आणि कुटुंबियांनी मृतदेह स्वीकारण्यास ठाम नकार देत आहे.
गुरुवारी सकाळपासून या विरोधात भोर महाड रोड वर रास्ता रोको आंदोलन सुरू करण्यात आले. “पोलिसांवर गुन्हा नोंदवल्याशिवाय आम्ही मृतदेह ताब्यात घेणार नाही,” असा निर्धार नातेवाईकांनी व्यक्त केला आहे. या घटनेमुळे भोर शहरात तणावाचे वातावरण निर्माण झाले असून ग्रामीण पोलीस दलाकडून परिस्थिती नियंत्रणात ठेवण्याचे प्रयत्न सुरू आहेत.
