लोणी काळभोर, ता. 9 : शाळेतून मुलीला घरी घेऊन जात असताना एका महिलेला रस्त्यात अडवून “तु वैश्या है, तुझे नंगा करूंगा और व्हिडीओ बनाऊंगा” असे म्हणून शिवीगाळ करून बेदम मारहाण केल्याची घटना घडली आहे. ही घटना कदमवाकवस्ती (ता. हवेली)(Loni Kalbhor News) ग्रामपंचायत हद्दीतील पठारे वस्ती परिसरात गुरुवारी (ता.6) दुपारी पावणे तीन वाजण्याच्या सुमारास घडली आहे. याप्रकरणी लोणी काळभोर पोलीस ठाण्यात 8 जणांवर विविध गंभीर कलमान्वये गुन्हा दाखल करण्यात आला आहे.
मोहंमद सैय्यद नुर इराणी, अली अक्रम इराणी, हैदर सलीम इराणी, फातु मंजुर इराणी, नुरजान इराणी, मोहंमद इम्रान इराणी व मुलगी रबाब इराणी (सर्व रा. पठारे वस्ती, कदमवाकवस्ती, ता. हवेली, जि. पुणे) असे गुन्हा दाखल करण्यात आलेल्या आरोपींची नावे आहेत. याप्रकरणी एका 30 वर्षीय महिलेने लोणी काळभोर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी या त्यांच्या मुलीला शाळेतुन घरी घेऊन चालल्या होत्या. दुचाकीवरून जात असताना, वस्तीमध्ये मोहंमद सैय्यद नुर इराणी, अली अक्रम इराणी, हैदर सलीम इराणी, फातु मंजुर इराणी नुरजान इराणी व तीची दोन मुले हे रस्त्यावरच थांबले होते. त्यावेळी मोहंमद इराणी व अली अक्रम हे दोघेजण फिर्यादी यांच्याकडे पाहुन म्हणाले “तु वैश्या है, तुझे नंगा करूंगा और व्हिडीओ बनाऊंगा असे म्हणुन शिवीगाळ केली.
फिर्यादी यांनी दुर्लक्ष केले. परंतु, फिर्यादी पुन्हा रस्त्याने जात असताना, त्यांना अडवले, “तु ये रोड से आने का नहीं” असे म्हणून फिर्यादी यांना हाताने व लाथाबुक्यांनी मारहाण केली. फिर्यादी यांचे केस पकडुन, मोहंमद सैय्यद नुर इराणी याने त्यांची ओढणी ओढून इसके कपडे उतार के उसे नंगा करो असे तेथे असलेल्या महिलांना सांगितले. आणि फिर्यादी यांच्या छातीस हात लावून स्त्री मनास लज्जा उत्पन्न होईल असे गैरवर्तन केले. तर इतर सर्व महिलांनी मिळून फिर्यादीचे कपडे फाडण्याचा प्रयत्न केला.
याप्रकरणी पिडीतेने लोणी काळभोर पोलीस ठाण्यात फिर्याद दिली आहे. त्यानुसार वरील सर्व आरोपींच्या विरोधात भारतीय न्याय संहीता 2023 चे कलम 126 (2). 189 (2), 189 (3).190, 79, 44,115(2), 352 प्रमाणे गुन्हा दाखल करण्यात आला आहे. पुढील तपास लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे यांच्या मार्गदर्शनाखाली सहाय्यक पोलीस निरीक्षक सोमनाथ नाळे करत आहेत.
