Indapur Crime : इंदापूर : इंदापूर तालुक्यातील अवसरी गावात घरगुती वादातून पतीने पत्नीला मारहाण करून घरातील कपड्यांना आग लावल्याची घटना घडली आहे. या प्रकारामुळे परिसरात काही काळ तणावाचे वातावरण निर्माण झाले होते. या प्रकरणी इंदापूर पोलीस ठाण्यात गुन्हा नोंद करण्यात आला असून पोलिसांनी पुढील तपास सुरू केला आहे.
मिळालेल्या माहितीनुसार, रूपाली सागर माने या काही दिवसांपासून आपल्या माहेरी अवसरी येथे राहत होत्या. दरम्यान त्यांचे पती सागर शशिकांत माने हे दारूच्या नशेत तेथे आले. त्यानंतर दोघांमध्ये वाद झाला. वाद वाढल्यानंतर सागर माने यांनी रूपाली माने यांना शिवीगाळ करत लाथाबुक्यांनी मारहाण केली, अशी माहिती समोर आली आहे.
याच दरम्यान रागाच्या भरात त्यांनी घरातील वापरातील कपड्यांना आग लावली. या घटनेत घरातील अनेक कपडे जळून नुकसान झाले आहे. घटनेनंतर परिसरातील नागरिकांनी परिस्थिती नियंत्रणात आणण्यास मदत केली.
पहा व्हिडिओ
View this post on Instagram
या प्रकरणी पीडित महिलेने इंदापूर पोलीस ठाण्यात तक्रार दिल्यानंतर पोलिसांनी गुन्हा दाखल केला आहे. या घटनेचा पुढील तपास पोलीस हवालदार खान करत आहेत.
