राहुलकुमार अवचट
यवत: भरदिवसा यवत गावातील रस्त्यावरून चालणाऱ्या महिलेचे सोन्याची चैन चोरट्यांनी हिसकावली असल्याची घटना घडली असून याबाबत अधिक माहिती अशी की आज सकाळी पावणे आठ च्या सुमारास यवत गावातील जिल्हा परिषद प्राथमिक शाळेच्या पाठीमागे असलेल्या पालखी मार्गावर शिवरत्न डेअरी समोर एक महिला रस्त्यावरून चालत असताना दुचाकीवरून आलेल्या दोघांनी महिलेच्या गळ्यातील सोन्याची चैन हिसकावली व शेजारीच असलेल्या डेअरीकडे चोरी करण्यासाठी जात असताना डेअरी व्यावसायिक महिलेने आरडाओरडा केल्याने चोरट्यांनी पोबारा केला भर सकाळी ही घटना घडल्याने परिसरात नागरिक दिवसातरी सुरक्षित आहे का असा प्रश्न निर्माण झाला आहे
लाखो रुपये खर्च करून लावलेले सीसीटीव्ही बंद
घटनास्थळावरून चोरट्यांनी फवारा केल्यानंतर खाजगी कॅमेऱ्यामध्ये चोरटे कैद झाले असले तरी यवत ग्रामपंचायतच्या वतीने यवत गावात अनेक ठिकाणी सीसीटीव्ही कॅमेरे लावलेले आहेत सकाळी चोरीची घटना झाली त्या ठिकाणापासून दहा फुटावर ग्रामपंचायतीचा कॅमेरा आहे परंतु हा कॅमेरा बंद असून लाखो रुपये खर्च करून लावलेले सीसीटीव्ही कॅमेरे बंद असतील तर लाखो रुपये खर्च झाला कशासाठी असा प्रश्न नागरिक उपस्थित करत आहेत.
