पुणे: पुणे शहरातून (Pune Crime) धक्कादायक घटना समोर आली आहे. पती घरात (Pune News) नसल्याचे पाहून एका आरोपीने महिलेवर बंदुकीचा धाक दाखवत अश्लील वर्तन करून विनयभंग केला. एवढेच नव्हे तर “तुझ्या नवऱ्याला बघून घेतो” अशी धमकी दिली. यावेळी मदतीसाठी आलेल्या महिलेच्या मावसदिरासही आरोपीने बंदुकीने मारहाण करून गंभीर जखमी केले. हा प्रकार शनिवार दिनांक 4 ऑक्टोबर ते रविवार दिनांक 5 ऑक्टोबर दरम्यान घडला.
या प्रकरणी 38 वर्षीय महिलेने भारती विद्यापीठ पोलीस ठाण्यात फिर्याद दाखल केली आहे. या फिर्यादीवरून विजय सोनावणे (रा. बिबवेवाडी, पुणे) याच्या विरोधात गुन्हा दाखल करण्यात आला आहे. मिळालेल्या माहितीनुसार, फिर्यादी महिला घरात एकटी असताना आरोपी विजय सोनावणे हा बेकायदेशीररित्या घरात शिरला. त्याने महिलेला बंदुकीचा धाक दाखवत तिच्याशी अश्लील वर्तन केले व अंगाला हात लावून विनयभंग केला. ही घटना महिलेचा पती घरात नसताना घडली.
याशिवाय, महिलेच्या पतीने आरोपीकडून 5 लाख रुपये हातउसने घेतले होते. या रकमेवर आरोपीने जादा व्याजासह तब्बल 8 लाख रुपयांची मागणी केली. पैसे न दिल्यास “तुझ्या नवऱ्याला बघून घेतो” असे धमकीचे शब्द आरोपीने उच्चारले. दरम्यान, या गोंधळाच्या वेळी मदतीसाठी आलेल्या फिर्यादी महिलेच्या मावसदिरावरही आरोपीने बंदुकीने मारहाण केली, ज्यामुळे तो जखमी झाला. या घटनेनंतर पीडित महिलेने थेट पोलीस ठाण्यात धाव घेत फिर्याद दाखल केली. सध्या या प्रकरणी भारती विद्यापीठ पोलीस ठाण्यात विजय सोनावणे याच्याविरोधात गुन्हा दाखल करण्यात आला आहे. पुढील तपास पोलीस करत आहेत.
