Pune News : पुणे : चिखली परिसरात मे महिन्यात तरुणाची हत्या करून रावण टोळीतील एक गुंड पसार झाला होता. चिखली पोलीस या गुन्ह्याचा शोध घेत होते. दरम्यान, रावण टोळीच्या गुंडाला चिखली पोलिसांनी गुजरातच्या वडोदरामधून अटक केली आहे. रावण टोळीतील गुंडांनी अनेक गुन्हे केल्यामुळे त्यांच्यावर पोलिसांनी मोक्का लावला आहे. कपिल उर्फ विनय दीपक लोखंडे असे गुंडाचे नाव आहे. त्याला ताब्यात घेतल्यापासून इतर गुंडाची भंबेरी उडाली आहे.
वडोदरामधून अटक केली
एकाची हत्या करून या गुंडाने पुण्यातून पळ काढला होता. काही महिन्यांपासून तो पोलिसांना गुंगारा देत होता. पोलीस त्याच्या हालचालींवर लक्ष ठेवून होते.(Pune News ) मे महिन्यात गुंडाने तरुणाची हत्या केल्यापासून तो गायब होता. पोलिसांनी त्याच्या बँक खात्यावर सुद्धा लक्ष ठेवले होते.
पोलीस हा गुंड कोणाशी संपर्क साधेल याचा देखील शोध घेत होता. अखेर चिखली पोलिसांनी गुजरात राज्यातून अटक केली आहे. (Pune News ) त्याची कसून चौकशी करण्यात येणार असून, या प्रकरणात अनेकजण अडकण्याची शक्यता पोलिसांनी व्यक्त केली आहे.
दरम्यान, काही दिवसांपूर्वी लोखंडे याने इन्स्टाग्रामवरून त्याच्या मैत्रिणीशी संपर्क साधला. याची माहिती पोलिसांना मिळाल्यानंतर पोलिसांनी मैत्रीणीची कसून चौकशी केली. (Pune News ) त्यावेळी विनय लोखंडे हा गुजरात राज्यातील वडोदर येथे असल्याचे पोलिसांना समजले. तेथे पोलिसांनी सापळा रचून त्याला अटक केली.
लोखंडे या कुख्यात गुंडाने त्याच्या साथीदारांसह २२ मे रोजी तरुणाची हत्या केली. तेव्हापासून देशात आणि महाराष्ट्रात अनेक ठिकाणी फिरत होता. त्याचबरोबर पोलिसांना चकवा सुद्धा देत होता.
अधिक बातम्या वाचण्यासाठी येथे क्लिक करा :
Pune News : दारु पिताना टोकाचे वाद; मामाच्या डोक्यात गज घालून भाच्याने केला निघृण खून!
