पुणे : प्रियकर जेवण करण्यासाठी लवकर आला नाही, म्हणून प्रियेसेनी गळफास घेऊन आत्महत्या केल्याची धक्कादायक घटना घडली आहे. हि घटना मोशी (पिंपरी-चिंचवड) परिसरातील गायकवाड वस्ती येथे गुरुवारी (ता. १४) सकाळी उघडकीस आली आहे.
सुलोचना नामदेव लेकुडवार (वय-३०, रा. गायकवाड वस्ती, मोशी) असे आत्महत्या केलेल्या महिलेचे नाव आहे.
वरिष्ठ पोलीस निरीक्षक शिवाजी गवारे यांनी दिलेल्या माहितीनुसार, सुलोचना आणि नामदेव यांना चार मुली आहेत. सुलोचना लेकुडवार यांच्या पतीने दोन वर्षांपूर्वी आत्महत्या केली होती. पतीच्या निधानानंतर सुलोचना या पिंपरी चिंचवड शहरात कामाला आल्या. तर त्यांच्या चार मुली गावी लातूरला शिकण्यास आहेत.
सुलोचना लेकुडवार या पिंपरी चिंचवड शहरात हाऊस किपिंग आणि जेवण बनविण्याचे काम करीत होत्या. सुलोचना यांना काम करीत असताना, एका परप्रांतीय व्यक्तीशी मैत्री झाली होती. आणि त्यांच्या मैत्रीचे रुपांतर प्रेमात झाले. आणि ते दोघेही लवकरच लग्नही करणार होते. ते सध्या वेगवेगळे राहत होते. मात्र जेवण एकत्र करीत होते.
दरम्यान, बुधवारी (ता. १३) रात्री सुलोचना यांनी जेवण तयार केले. मात्र त्यांचा प्रियकर जेवणासाठी लवकर आला नाही. या कारणावरून सुलोचना यांनी आत्महत्या केली असावी. अशी शक्यता पोलिसांनी व्यक्त केली आहे.
